AA0214- සතර සතිපට්ඨානය වඩමින් ලෝකයට නොඇලී නිදහස් වෙමු

සතර සතිපට්ඨානය වඩමින් ලෝකයට නොඇලී නිදහස් වෙමු - AA0214    • AA0214- සතර සතිපට්ඨානය වඩමින් ලෝකයට නොඇලී ...   මෙම දේශනාවේ අන්තර් ගත කරුණු කිහිපයක්: උඩින් මත්තෙන් කියන අර්ථය කය ගැන බලනවා/ මෙනෙහි කරනවා. ⁠කයෙන් කරන ඒවත් දකින්න ඕනේ, කයේ හැටිත් දකින්න ඕනේ. ⁠කය කියන්නෙ මොකද්ද? කය හැදුනෙ කොහොමද? කය නැති කරන්නෙ කොහොමද? නැති කරන මග මොකද්ද? ⁠කයෙන් කරන වැඩ මොනාද? ඒවයෙ ප්‍රතිඵල මොනාද? ⁠කයෙන් කරන වැඩ කරදර නම්, ඒ වැඩ නැත්තෙ කොතනද? ඒක නැති කරගන්න ක්‍රමේ මොකද්ද? ⁠සතර සතිපට්ඨානය, චතුරාර්ය සත්‍යයට දාලා බලන්න ඕනේ. ⁠කය නිසත් දුක එනවා… වේදනාව නිසත් දුක එනවා…. හිත නිසත් දුක එනවා… ධර්මයෝ නිසත් දුක එනවා… ⁠කයයි, වේදනාවයි, හිතයි, ධර්මයයි අයින් කරොත් තව ලෝකයක් ඉතුරු නෑ. ⁠බුදු, පසේබුදු, මහරහත් උත්තමයන් දැක්ක, අනිත් අය නොදැක්ක එක. ⁠ඉස්සෙල්ලාම අපි එන්න ඕනෙ ශ්‍රද්ධා බීජං කියන තැනට. ⁠කොතෙක් කල් පටන් එනවද? කොතෙක් දුර යනවද? ⁠නුවණ පහළ වෙනකන් බුද්ධ, ධම්ම, සංඝ රත්නය විශ්වාස කරන්න ඕනේ. ⁠නිකන්ම විශ්වාස කරන්නෑ. හේතු ඇතුව විශ්වාස කරන්න ඕනේ. ⁠තුණුරුවන් කෙරෙහි ශ්‍රද්ධාව පිහිටන විදිය. ⁠මේ ආපු ගමන ගැන පළමුව විශ්වාසයෙනුයි බලන්නේ. ⁠කොච්චර දන්නැතුව හිටියත් එක් එක් අත්බැවක් ගානේ එක් එක් කයක් (ඝනීභවන හෝ සූක්ෂම) ඇසුරු කරල තියනවා. ⁠අසහනයක් ඇති කරල වැනසිලා ගියා මිසක් අපේ ප්‍රශ්න විසඳලා නෑ එකම කයකින්වත්. ⁠මෙතුවක් කලුත් නැත්තන්, දැනුත් නැත්තන්, මතුවට කොයින්ද? ⁠කය නිසා අපි විඳලා ඇති යමක් ඇත්නම් අසහනයක්, දුකක් ඇරෙන්න වෙන දෙයක් නෑ. ⁠සහනයක් බලාපොරොත්තු වෙමින්, සහනයක් ලැබුනා කියා රැවටෙමින්, අසහනයට පත් වුනා ඇරෙන්න මෙතෙක් කාලයකට කයක් සැනසුමක් දීලා නෑ. ⁠කායානුපස්සනාව වඩන්න කලින් මේ ටික දැනගෙන ඉන්න ඕනේ. ⁠යමක් නිසා දුක හටගන්නවා නම්, ඒකෙ පළවෙනි කොටස තමා කය. ⁠කය පවත්වනකොට යම් අත්බැවක, එය ඇසුරු කරගෙන හිතකුත් හටගන්නවා. හිතක් හටගත්තම අපිට දැනීමකුත් හටගන්නවා. ⁠අනන්ත සංසාරයක් පුරා සැනසුමක් දෙන වේදනා ස්කන්ධයක් ලැබිලා නෑ. ⁠වේදනාවේ හැටි… ⁠හිතේ තිබිච්ච චෛතසිකයක් වශයෙන් වේදනාව ආවේ. ⁠හිත කියන්නෙ සැනසුම ලබා දෙන එකක් නෙමේ, සැනසුම ඇති සේ රවට්ටමින් අසහනයට පත් කරන එකක්. ⁠සැනසුම ගෙන දෙන කාය ධර්මයක් හෝ ලෝක ධර්මයක් හෝ චිත්ත ධර්මයක් හෝ අපිට හම්බුනා නම්, අපේ වැඩේ ඉවරයි. ⁠කය පිළිබඳව, වේදනාව පිළිබඳව, සිත පිළිබඳව, ධර්ම පිළිබඳව සැනසුම හොයාගෙන කොච්චර ගියත් ඒවගෙන් සහනයක් හම්බෙලා නෑ කියන එක දැන් හොඳට පැහැදිලියි. ⁠නිවනට හිත පිහිටුවා ගන්නකොට කාය, වේදනා, චිත්ත,ධම්ම වශයෙන් ලෝකෙ දකින්න ඕනේ. ⁠දුකට හේතුව අවිද්‍යාවෙන් තෘෂ්ණාවෙන් කාය, වේදනා, චිත්ත, ධම්ම බදාගෙන ඒවා පස්සෙ යන එක. ⁠එක පාරක් සිහිකරාට මේක වැටහිලා පූර්ණ වෙන්නෙ නැති නිසා දුටු ඇත්ත යළි යළි සිහිකල යුතුයි. ⁠කයකින්, වේදනාවකින්, හිතකින්, ධර්මයකින් අපිට ලබන්න කිසිම සහනයක් නෑ කියල දැකපු ඇත්ත යළි යළි මෙනෙහි කරන කොට, සිහිකරන කොට ඒකට කියනවා “සතර සතිපට්ඨානය” වඩනවා. ⁠කාය, වේදනා, චිත්ත, ධම්ම කියන 4 යම් දවසක අත්හැරී ගියාද, නොඇලී ගියාද, මිදී ගියාද, කෙළවර කරාද, දුක අසහනය දුන්න සියල්ලෙන් මිදුනා. ⁠කය සහ කයෙන් කරන ක්‍රියාවල් වල සැනසුමක් නෑ. ⁠වින්දනය කරන සියළු වේදනා වල සහනදායී බවක් නෑ. ⁠හිත අතීතයේ පටන් අසහනයක් ගෙනත් දීලා මිසක් සහනයක් ගෙනත්දීලා නෑ. ⁠අභ්‍යන්තර ධර්ම හෝ බාහිර ධර්ම අසහනයම මිසක් සහනයක් දීලා නෑ. ⁠කාය, වේදනා, චිත්ත , ධම්ම නිසා අසහනයෙන් මිදෙන්න බෑ. ⁠ඇත්ත දැක්කට ආසාව අත්හැර ගන්නකන් මිදෙන්න බෑ. ⁠දැකපු ඇත්ත යළි යළි සිහිකරන කොට ක්‍රම ක්‍රමයෙන් තෘෂ්ණාව ගිලිහෙන්න ගන්නවා. බැඳීම නැතිවෙන්න පටන් ගන්නවා. ⁠මට සතර සතිපට්ඨානය කොතෙක් වැඩිලද? නැද්ද? කොහොමද දැන ගන්නේ? ⁠දැකපු නිවන මං කොච්චර පූර්ණ කරලද? ⁠මග-ඵල, අහල කරගන්න දේකුත් නෑ. කියල කරගන්න දේකුත් නෑ. ⁠සන්දිට්ඨික ප්‍රතිඵල තමන්ම දකින්න. ⁠සියළුම “කය”රූපස්කන්ධයට අයිතියි. ⁠හටගෙන බිඳි බිඳී යන කෑලි පොදියක් - රූපස්කන්ධය. ⁠හටගෙන බිඳෙන මේ රූප පොදි හේතු කොට ගෙන ලෝකෙ ඇති සේ පේන දේවල් විද්‍යාමාන වෙලා ටික කාලයක් දකිනවා. ⁠පෙන පිඬුවක් උපමා කරගෙන මේ කයේ හැටි දකින්න. ⁠ප්‍රඥාව නිකන් මෝරන්නෙ නෑ. දැකපු ඇත්ත යළි යළි සිහිකරන්න ඕනෙ. ⁠කායානුපස්සනාව වඩන වැඩ පිළිවෙල. ⁠රාගය, ද්වේෂය, මෝහය නැමති ලාටුව තියනකන් කය හදනවා. ⁠කයක් නැති තැන දුකක් නෑ. ⁠යමක් යමක් නිසා රාගය, ද්වේෂය,මෝහය හටගන්නවද එබඳු ක්‍රියාවකට මගේ ඇස,කන,නාසය,දිව,කය, මන යොමු කරන්නෙ නෑ. ⁠හිතන්ඩ පුරුදු වෙන්නෙ නැතුව නම්, මේක කරන්න බෑ. අද පුරුදු වෙලා තියෙන්නෙ ඉගෙන ගන්න. ⁠දඹරුක් සෙවණේ ප්‍රථම ධ්‍යානයෙන් වැඩ හිටියා කියල නම් තියනවා. ⁠ප්‍රථම ධ්‍යානයට පත් වෙන්න ඕනෙ කරන කරුණු ටිකක් තියනවා. ⁠අත්හැරීමෙන් ලබන ප්‍රථම ධ්‍යානයට උන්වහන්සේ පත් වුනේ මෙහෙම. ⁠අත්හැරීමෙන්, නොඇල්මෙන්, මිදීමෙන් නිදහස් වෙනවා කියන්නාවූ මානසිකත්වය ලොව්තුරා බුද්ධත්වයට තේමාව කර ගත්තේ ඔන්න ඔය සිද්ධිය නිසා. ⁠නීවරණ වලින් දුරු වුනාම නිදහස් කියල දැක්කා. ⁠නිරායාසයෙන් ධ්‍යානයට පත් වෙනවා. ⁠අසාරත්වය දැනගෙන අත්හැරී, නොඇලී, මිදී ගියොත් මාර්ගය වැඩෙනවා. ⁠ආර්ය මාර්ගයේ ධ්‍යාන කියන්නේ “කුමාරයට ආභරණ” වගේ. .................................................................... ඇමෙරිකා එක්සත් ජනපදය තුල ලාභ නොලබන බෞද්ධාගමික ආයතනයක් ලෙස පිහිටුවා ඇති Ariya Chinthashrama USA Inc ආයතනය විසින් උතුරු කැරෝලයිනා ප්‍රාන්තයේ, රීඩ්ස්විල් නගරය ආසන්නයේ පිහිටුවන ලද අභය අරණ පුණ්‍ය භූමිය මුල්කරගෙන සිදුකෙරෙන සදහම් සත්කාරයකි Telephone :- +1 662 402 5998 Web :- https://www.ariyachinthashramausa.org