Grupi parlamentar i PS vendos për fatin e mandatit të deputetit Ornaldo Rakipi - Vizion Plus

Subscribe: https://bit.ly/vizionplustv Web: http://www.vizionplus.tv Facebook:   / vizionplustv   Twitter:   / vizionplustv   Instagram:   / vizionplustv   TikTok:   / vizionplustv   Vetëm të martën në mbledhjen e grupit paralementar të socialistëve do të mësohet se cili do të jetë qëndrimi i mazhorancës qeverisëse për Ornaldo Rakipin. Nga e hëna, kur departamenti amerikan i thesarit e futit të atin e tij, ish deputetin e PDIU-s, Aqif Rakipin në listën e zezë të sanksioneve financiare, Partia Socialiste nuk është shprehur zyrtarisht. Pas mbledhjes së të martës, socialistët pritet të dalin me një qëndrim, nëse deputeti i qarkut të Tiranës, 27 vjeçari Ornaldo Rakipi duhet të lë mandatin e deputetit ose jo. Vetë ai është shprehur se nëse do të jetë e nevojshme apo nëse partia e tij do t’ia kërkojë, do ta lë karrigen e deputetit. ORNALDO RAKIPI DEPUTET I PS Ornaldo Rakipi u rendit i 30 në listen e kandidatëve për deputet në qarkun e Tiranës. Ai arriti të thyejë herësin prej mbi 10 mijë votash duke fituar karrigen e deputetit. Në rast të largimit të një tjetër socialisti nga lista fituese, mandatin e deputetit e merr Dallëndyshe Bici, ish zëvendës ministre e mbrojtjes. Fati i Ornaldo Rakipit nuk do të jetë i vetmi që do të diskutohet në mbledhjen e socialistëve por edhe ai i presidentit të ri. Deputetëve i është kërkuar që të propozojnë tre kandidatura për pasuesin e Ilir Metës dhe në ditët në vazhdim ato pritet t’i dorëzohen kryetarit të grupit të socialistëve, Taulant Balla. Deri në 24 maj, kur do të jetë shpallur edhe kalendari i veçantë për zgjedhjen e presidentit të ri, mazhoranca qeverisëse është angazhuar për zyrtarizimin e kandidaturës apo kandidaturave. Mundësia e një presidenti konsensual duket e largët, për aq kohë sa Partia Demokratike është e përçarë mes mbështetësve të Sali Berishës dhe të Lulzim Bashës. Në deklaratat e tij, kryeministri Edi Rama e ka bërë të qartë se i zotëron votat për ta zgjedhur i vetëm presidentin dhe se bashkëpunimi me Komisionin e Rithemelimit është një mundësi që nuk ekziston.