Klan News - Korrupsioni i rektores Golemi, pedagogët: E turpshme!

Sindikata e Pedagogëve në Shkodër i kërkoi Senatit të Universitetit të distantohet nga rektorja Suzan Golemi dhe pedagogia Donalda Lecaj, të cilat janë proceduar për korrupsion dhe shpërdorim detyre. Ato u denoncuan nga emisioni Stop në Tv Klan pasi u merrnin para studentëve për t’i kaluar në provim. “Shpreh indinjatën time për sjelljen e drejtuesve të universitetit. Ka 4 ditë që nuk po bën një deklaratë zyrtare për këtë situatë që është e turpshme. Nuk mund të bëjmë sikur nuk ndodhi gjë, kur të njëjtat persona që janë drejtuese janë shoqe të rektores së shpallur në kërkim. Nuk kam besim tek organet e drejtësisë sepse ka pasur raste të tjera që janë arrestuar në flagrancë dhe janë lëshuar pas 6 muajsh. Më parë ka ndodhur vetëm me pedagogët, por jo me drejtuesit”- tha Saraçi. Rektorja e Universitetit të Shkodrës, “Luigj Gurakuqi”, Suzana Golemi është shpallur në kërkim nga policia e Shkodrës më datë 22 Qershor, një ditë pas publikimit të skandalit ndërsa pedagogia po hetohet në gjendje të lirë. Siç shihet dhe në video, bashkëpunëtori i emisionit investigativ i zgjat zarfin me 150 euro rektores Golemi. Pasi e shtyn disa herë, rektorja e vendos në tavolinën e saj dhe i premton se do i vendosë notë kaluese në provim. Një tjetër denoncues i tha emisionit “STOP” se është detyruar të paguajë pedagogen Donalda Lecaj për të marrë provimin e biokimisë. Zarfin me emrin e tij ia dorëzoi në një klasë, ku nuk kishte studentë. Pas këtij denoncimi ministrja Kushi pezulloi nga detyra rektoren Suzana Golemi. SUBSCRIBE to "RTV KLAN" on YouTube for more videos! Për më shumë informacione vizitoni faqen tonë web https://tvklan.al/kategoria/klan-news/ Follow Klan News on Facebook:   / klannews   Follow @klannews on Instagram:   / tvklannews   #KlanNews #KlanNewsLajme #TvKlan