ఆంధ్రప్రదేశ్ డిప్యూటీ సీఎం పవన్ కళ్యాణ్ వ్యాఖ్యలు

ఆంధ్రప్రదేశ్ రాజకీయాల్లో ఇప్పుడు ఎక్కడ చూసినా ఒకటే చర్చ. నూటికి నూరు శాతం స్ట్రైక్ రేట్‌తో, ఏపీ రాజకీయ ముఖచిత్రాన్ని మార్చేసి.. ఉపముఖ్యమంత్రి పీఠంపై కూర్చున్న జనసేనాని పవన్ కల్యాణ్‌కు ఏమైంది? సభల్లో సింహంలా గర్జించే పవన్.. ఉన్నట్టుండి ఎందుకంత బేలగా మాట్లాడుతున్నారు? వచ్చే సార్వత్రిక ఎన్నికల్లో తాను మళ్లీ గెలుస్తానో లేదో అంటూ ఆయన నోటి నుంచి వచ్చిన మాటలు ఇప్పుడు ఏపీ పాలిటిక్స్‌లో ప్రకంపనలు సృష్టిస్తున్నాయి. అసలు ఎన్నికలకు ఇంకా ఎంతో సమయం ఉండగానే, పవన్ ఎందుకిలా మాట్లాడుతున్నారు? మరోవైపు పవన్ బహిరంగ వ్యాఖ్యలు కూటమికి డ్యామేజ్ చేస్తుండటంతో.. ఏకంగా సీఎం చంద్రబాబే రంగంలోకి ఎందుకు దిగాల్సి వచ్చింది?