Təhsil Nazirliyinin Təhsil Vloqeri Müsabiqəsinə qoşuldum - Söz Qatarı 2022

Sən də təhsil vloqeri ol! #TəhsilNazirliyi #EduAz #TəhsilVloqeri #Müsabiqə Təhsil Nazirliyinin təşkilatçılığı ilə “Təhsil vloqeri” müsabiqəsinə start verilir. Müsabiqənin keçirilməsində məqsəd fərqli ideyaları və innovativ təşəbbüsləri ilə seçilən, maraqlı tədris mühiti formalaşdıraraq şagirdlərinin sevimlisinə çevrilən müəllimlərin ictimaiyyətə tanıdılmasıdır. Müsabiqə üzrə tələblər aşağıdakılardır: Müsabiqədə bütün təhsil pillələri üzrə dərs deyən müəllimlər iştirak edə bilər; Müsabiqədə iştirak etmək istəyənlər maraqlı və innovativ keçən tədris anını video formatda qeydə almalıdır; Video 2 dəqiqədən artıq olmamalıdır; İştirakçı özü haqqında zəruri məlumatları (adı, soyadı, yaşı, yaşadığı şəhərin (rayonun adı), çalışdığı təhsil müəssisəsinin adı, tədris etdiyi fənnin adı, əlaqə telefonu) daxil etməklə hazırlanmış videonu 20 may 2022-ci il tarixinədək [email protected] elektron ünvanına göndərməlidir. Qeyd edək ki, müsabiqənin yekununda Təşkilat Komitəsi tərəfindən qaliblər müəyyənləşdirilərək təltif ediləcəklər. Kanalımız: Arzu Karimov - Gəncə şəhəri 41 saylı tam orta məktəbin coğrafiya müəllimi, Təhsildə İnkişaf və İnnovasiyalar üzrə 1-ci Qrant Müsabiqəsinin qalibi, Təhsil Nazirliyinin Direktor Kursları Gəncə 2016 layihəsinin qalibi, Gəncə - Avropa Gənclər paytaxtı 2016 Beynəlxalq Forumun Məruzəçisi, "Azərbaycan Müəllimi" qəzetində məqalələri ilə fərqlənən, "My Magical Dust 2019" Beynəlxalq Müsabiqəsinin qalibi, Dövlət İmtahan Mərkəzinin Sertifikatlaşdırılmış Nəzarətçi-Müəllimidir.