WASIYOJULIKANA WAVUNJA MASINKI 10 YA VYOO SHULE YA MSINGI MPYA INAYOJENGWA MJIMWEMA MJINI NJOMBE.

NJOMBE-Na Michael Ngilangwa Jumla ya masink 10 yaliowekwa kwenye vyoo vya shule ya msingi mpya ya Mjimwema Mjini Njombe yamevunjwa na watu wasiyojulikana usiku wa Novemba 20, 2021. Wakizungumza kwenye mkutano wa hadhara uliofanyika shuleni hapo baadhi ya wananchi wa mtaa wa Mjimwema wametaka viongozi wa serikali ya mtaa na kata kuchukua hatua dhidi ya waliohusika ambao wanadaiwa kutolipwa ujira katika kazi hiyo. Akizungumza Na wananchi diwani wa Kata ya Mjimwema Nestory Mahenge amesema tatizo hilo viongozi hawatalinyamazia watahakikisha wahusika wanakamatwa kupitia vyombo vya ulinzi na usalama. Afisa tarafa wa Njombe Mjini Bi. Lilian Nyemele amelaani kitendo kilichofanyika katika vyoo vya shule ya msingi inayojengwa Mjimwema na kutaka wananchi kuonesha ushirikiano wa kuwabaini wasika wa uharibifu huo. Awali mwenyekiti wa serikali ya Mtaa wa Mjimwema bwana Lenard Mkupi amesema serikali ya mtaa huo itakwenda kuzifanyia kazi changamoto za kuharibiwa kwa masink hayo ya vyoo kwenye shule inayojengwa Mjimwema.