Azərbaycanda Qafqaz Albaniyası irsinin tədqiqi, mühafizəsi və təbliğinə dair hansı işlər görülüb?

2012-ci ildə təsdiq edilmiş “Azərbaycan 2020: Gələcəyə baxış” İnkişaf Konsepsiyası çərçivəsində Azərbaycanda müxtəlif etnoslara və dinlərə aid çoxsaylı tarix və mədəniyyət abidələrinin tədqiqi, qorunması və təbliği üçün görülən işlərin sistemli şəkildə davam etdirilməsi, bu sırada 2013-2016-cı illəri əhatə edən “Qafqaz Albaniyası irsinin tədqiqi, mühafizəsi və təbliğinə dair Dövlət Proqramı” qəbul edilməsi nəzərdə tutulurdu. Tədqiqatçı jurnalist Cavid Ağa bildirir ki, Qafqaz Albaniyası irsinin tətqiqi məsələsi Azərbaycanda akademik mövzudan daha çox, siyasi mövzuya çevrilib. Cavid Ağa qeyd edir ki, mövzunu araşdırmalı olan qurumlar fəaliyyətsizliklə məşğuldurlar və bağlı qapılar arxasında iclaslar keçirməklə kifayətlənirlər.