اشتغلت في مصنع ماربيلا المرة الرابعة الخميس 18 يونيو 2026

اشتغلت في مصنع ماربيلا المرة الرابعة اشتغلت في مصنع ماربيلا للمرة الرابعة امبارح الخميس 18 يونيو 2026 كان عيد الجلاء روحت الصبح عند مكتب فرست تشويس وفيه مشرف اسمه محسن حمدي وطنطاوي وواحد تاني مش معروف هو مين بس طنطاوي عمال يصيح في الناس ويصرخ وواحد لما سمعه قال ايوه ياطنطاوي انت اهم واحد في الدنيا عمال يزعق في الناس انت اهم واحد في مصر ومهم اوي في الشغل ياطنطاوي يلا بينا نروح طنطا ! المهم لقيت فيه ناس رايحة مصانع اللي رايح مصنع الحديد 12 ساعة ومصنع اراميكس 8 ساعات ومصنع كارتون ومصنع ماربيلا ومصنع ميتكو بتاع اللحوم المصنعة ومصنع بلاستيك ومصنع شيكولاتة كورونا حريم فقط ومصنع مقرمشات ومصنع تانكات ومصنع مناديل وايت ومصنع يونيفرسال ومصنع تكييفات المهم انا روحت مصنع ماربيلا فضلنا واقفين الصبح عند المصنع بسبب أنه الاتش ار مش موجود وجيه متأخر والعدد زيادة وقالوا إنه فيه ناس هتدخل وناس تانية هترجع من المصنع بسبب أنه العدد زيادة ودخلونا المصنع الحمدلله وطبعا أنا من ساعة ما دخلت وانا واقف علي حيلي ولو ريحت شوية اللي حواليا بيزعلوا مني ومهندس الجودة قالي يا اسطي ممنوع تقعد هنا في الشغل وهو مبتسم وبيضحك عشان مش عاجبه حالي ! المهم خلونا نلف يمين وشمال لحد ما دخلنا الشغل دخلنا في منطقة كرتون وكنت بعبي لبان في علب وكنت برفع كراتين علي الميزان وقالي أنه 100 كيس وزنه من 65 كيلو جرام لحد 65.50 كيلوجرام ده الميزان الطبيعي المهم الشغل فيه شيل وحط وتحميل كراتين ورفع كراتين وانا كنت برفع كراتين علي الميزان ورصيت كراتين علي البالتة وطبعا أنا مكنتش فاهم الرص الراجل قالي في حاجات انت عملتها صح وحاجات تانية رصيتها غلط المهم قالي متتعبنيش معاك ومش عارف ايه المهم انا كنت بناوله كراتين وبعد أربع ساعات دخلت صالة الكورة الجديدة اللي هو لبان ماربيلا كورة كنت بفتح كراتين واعبي فيها علي لبان ماربيلا كورة وبحطها علي الترابيزة اللي فيها الميزان وفيه واحدة جوه آنسة لا هي مديرة ولا مشرفة لا واحدة عادية بتفضل تفزع وتصيح في الناس كلها اعملوا اي حاجه بدلا ما انتوا واقفين وقاعدين كده أنا من ساعاتها وانا مطلعتش بريك يعني واحد قالي اطلع الحمام ربع ساعة وتعالي تاني متأخرش بالله عليك وانا يدوب الساعة 12 طلعت الحمام وشربت شوية مياه معدنية وبعدين لما نزلت الساعة جت 12 و 20 دقيقة وكملت شغلي في صالة الكورة الجديدة وبعدين الساعة جت 1 و 47 دقيقة قالولي اطلع ساعة بريك يعني اطلع ساعة استراحة وقالوا تعالي الساعة 3 وربع وفعلا الساعة جت 3 و ربع واحد اسمه احمد طلعلي قالي هو انت مستني حد يقولك اطلع ؟! قولتله لا انا جاي دلوقتي وراك حطيت شنطتي في لوكرات الرجال ومشيت علي غرفة الكرتون وطبعا كملت شغلي وكنت بعبي لبان علي البارنيكة أو الكازيه وبعدين بشيل كراتين وبناولها للشخص اللي شغال معايا هو بيرصها ويحطها علي الميزان وبعدين الساعة جت 5 وربع المدام قالت لي اطلع نص ساعة راحة دلوقتي وتعالي الساعة 6 إلا ربع طلعت شربت شوية مياه وريحت شوية وبعدين طلعت ع الشغل تاني المهم الساعة جت 7 مساء واحد مجنون قالي لو عينيك لمحت الميزان تاني هسمعك كلام مش كويس قدام الناس كلها !! روحت اشتكيته ع طول وبقيت وانا برفع الكراتين ببص بعيد عن الميزان خوفا من أفعاله المؤذية واحد رد عليه وقالوا هو بيشوف الميزان زيادة ولا لا هو تعبان ومش عارف اي كده ملكش دعوة بيه عشان هزعلك بعد شوية فيه ناس بتضحك في وشي وبتحبني والباقي كله بيضحك في وشي ومن جواهم بيكرهوني ومش بيحبوني المهم الساعة جت 7 و 40 دقيقة مساء أنا طلعت الكافتيريا فوق غيرت هدومي كلها وشربت شوية مياه ومشيت لقيت كمية كبيرة من الستات والبنات في غرفة السيدات عملوا زغاريط وعمالين يزغرطوا جوه كأنه فيه كتب كتاب أو خطوبة أو جواز وفرحانين ودوشة وهيصة وزيطة وزمباليطة كمان ! المهم انا اخدت حاجتي كلها والساعة جت 8 ومشينا واخدت بطاقتي الشخصيه من واحدة اسمها ندي وركبنا الميكروباص الساعة 8 و 15 وصلنا المكتب الساعة 8 و 45 دقيقة يعني تسعة إلا ربع مساء والقبض اليومي بعد ما كان 250 جنيه بقي 350 جنيه بمناسبة عيد الجلاء! مش عارف هو ده اليومية زادت فعلا وهتفضل 350 جنيه زيادة زي ما هي ثابتة ولا دي عشان مناسبة معينة أو عيد أو إجازات رسمية الله اعلم ورسوله المهم انا اخدت القبض اليومي بتاعي 350 جنيه صافي وروحت وقفت طابور عند موقف الحي السادس في السوق القديم في أكتوبر وركبت ميكروباص مريوطية هرم والساعة كانت 8 و 50 دقيقة مساء ووصلت عند سلم فيصل الساعة 9 و 35 دقيقة وبعدين ركبت توك توك ومشيت وفي النهاية أنا لقيت ورقة عند شركة ماربيلا للصناعات الغذائية في المنطقة الصناعية الخامسة في أكتوبر طالبين مشرفين امن اداري أو مشرفين انتاج ومشغل ميكسر ومشغل فرير ومهندسين جودة خبرة وعمال نظافة تعيين تبع المصنع نفسه 8 ساعات أو 12 ساعة مرتبات مجزية جدا مع حوافز ومكأفات للمتميزين ومواصلات لجميع الأماكن وفيه تأمينات صحية واجتماعية بس ده قبض شهري فقط تعيين تبع المصنع نفسه مش مكتب توظيف ويوميات والكلام ده لا ده قبض شهري تعيين تبع المصنع نفسه ومن ضمن منتجات شركة ماربيلا للصناعات الغذائية مكرونيلا ونوجا و Marbella Shack Shack و Marbella Wafer و Marbella Chocolate و ماربيلا لبان وماربيلا بسكويت وماربيلا توفي وماربيلا كوول وماربيلا حلوي ومنتجات كتيرة جدا من شركة ماربيلا للصناعات الغذائيه واللي عايز يشتغل تعيينات تبع المصنع نفسه يتصل علي الارقام التاليه ارقام مصنع ماربيلا ٠١٠٣٠٥٥٤٣٠٩ رقم اخر ٠١٠٣٣٧٨٨١٣٥ رقم اخر ٠١٠٠٢١٩٤٨٠٣ العنوان المنطقة الصناعية السادسة أمام مخزن مترو مدينة ٦ أكتوبر