మావిగన్ భ్రమలో YS జగన్ బ్రతకటమే!! - జనసేన రియాజ్ కామెంట్స్ | Riyaz Fires On YS Jagan | Ongole Media

తాడేపల్లి లో ఈరోజు వై ఎస్ జగన్మోహనరెడ్డి కూటమి ప్రభుత్వం మీద, ముఖ్యమంత్రి చంద్రబాబు, డిప్యూటీ సీఎం పవన్ కళ్యాణ్ ల మీద చేసిన వ్యాఖ్యలపై ప్రకాశం జిల్లా జనసేన మాజీ అధ్యక్షులు, ఉడా చైర్మన్ షేక్ రియాజ్ తీవ్ర స్థాయిలో ధ్వజమెత్తారు.. ఒంగోలులోని రవి ప్రియ మాల్ లో ఏర్పాటు చేసిన మీడియా సమావేశంలో ఆయన మాట్లాడుతూ రాష్ట్రంలో కులాలు, మతాల మధ్య చిచ్చులు పెడుతూ ప్రజలను తప్పుదోవ పట్టించేందుకు ప్రయత్నిస్తున్నారని. కూటమి మధ్య చిచ్చు పెట్టాలని జగన్ చూస్తున్నారని, 15 ఏళ్ల వరకు కూటమి జెండా విజయపదంలో దూసుకుపోతుందని తెలిపారు. గత ఎన్నికల సమయంలో 151 సీట్ల నుండి 11 కు పరిమితం చేసిన జగన్ కు బుద్ధి రాలేదని, మతిస్థిమితం సరిగా లేదని.. అమరావతి పై వస్తున్న ఆదరణ ను చూసి తట్టుకోలేక తిరిగి తిరిగి గొడ్డలి, గన్ లు అంటూ పిచ్చి ప్రేలాపన తో మావిగన్ అంటూ చేస్తున్న వ్యాఖ్యలకు రానున్న స్థానిక సంస్థల ఎన్నికల్లో ప్రజలు వైకాపాను చిత్తుచిత్తుగా ఓడించి ప్రజలు వై ఎస్ జగన్ మాడు పగిలేలా తీర్పు ఇవ్వడం ఖాయమని అన్నారు.. ఐదేళ్ల మీ ప్రభుత్వ హయంలో జరగని అరాచకం లేదు. కోవిడ్ సమయంలో మాస్క్ అడిగిన డాక్టర్ సుధాకర్ ను మానసిక వేదనకు గురిచేసి ఆత్మహత్య చేసుకునేలా చేశారు. కూటమి ప్రభుత్వం గంజాయి బ్యాచ్, రౌడీ షీటర్ల ఆగడాలను అణచి ప్రజల సంక్షేమానికి పాటు పడుతుంది. దీనిని చూసి ఓర్వలేని జగన్ రూల్ ఆఫ్ లా గురించి మాట్లాడటం దెయ్యాలు వేదాలు వల్లించినట్లుగా ఉందని ఆయన ఘాటుగా విమర్శించారు. ఈ మీడియా సమావేశంలో జనసేన నాయకులు పర్వతరెడ్డి కిషోర్, పిల్లి రాజేష్, కళ్యాణ్ ముత్యాల, బండారు శేషగిరి తదితరులు పాల్గొన్నారు.