ترنيمة كالعادة | Kalaada (Cover Version)

ترنيمة كالعادة | Kalaada (Cover Version) كلمات إميل يوسف ألحان بيتر بديع توزيع موسيقي فادي إبراهيم مونتاج وأداء أندرو مجدى كلمات الترنيمة كالعادة لنفس الأسباب .. باطلع ف الآخر كداب بافضل اقول هاديك أيامي .. وبنام وبقوم ناسي كلامي .. كأنه فص ملح وداب أنا عايش نفس الحكايات .. نفس البدايات والنهايات دايرة بالفها وارجع تاني .. بتحرك لكن ف مكاني .. ومش بتعلم م اللي فات حججي خلاص بقيت محفوظة .. علاقتي معاك بايظة ومهزوزة .. باجي لك بس ف وقت العوزة وبعدها بمرض بالنسيان كل الأعذار مش مقبولة .. وآخر غلطة شبه الاولى .. وانا عارف ماهو مش معقولة باكرر غلطي ومش داريان حد غيرك يا رب كان .. هايرمي طوبتي من زمان عمال تباركني وانا أناني .. مابحبكش غير بلساني .. والتفاصيل غير العنوان مابتعبش على علاقتي بيك .. مابضحيش علشان ارضيك سلبي معاك بس انت إيجابي .. مستحمل دلعي وأسبابي .. وانا باستسهل آجي عليك محرج جداً من أفعالي .. ومن استهتاري ومن إهمالي .. مليون فرصة يارب اديتهالي وكنت معايا طويل البال إستنيتني كتير وانا قاسي .. مانع عنك كل حواسي .. مكسوف من قلة إخلاصي مكسوف من كل اللي اتقال قلت كتير ان انا غلطان .. قلت كتير ان انا ندمان ورجعت وحنيت للماضي .. بس انا قررت المرة دي .. أنا مش هارجع زي زمان عايز اقول لك نفسي أعيش .. نص الإحساس مابيرضيش وانا مش عايز أرجع تاني .. نص معاك والتاني أناني .. وحبي ناقص مايكفيش المرة دي ومش كالعادة .. غير المرات المعتادة .. عندي عزيمة وعندي إرادة وناوي اني ابتدي صح معاك ناوي خلاص اعمل بكلامي .. فضيت لك قلبي وأيامي .. أنا عايزك يا يسوع قدامي وعايز أفضل ماشي وراك تقدروا تسمعوا الترنيمة الأصلية من هنا    • كالعادة - بيتر بديع - Kal3ada - Peter Badee