RNP: AIP DAVID SHUMBUSHO MU INOZABUBANYI😲 PATRICK WAHOZE MURI FDLR & QUEEN MU MARUSHANWA Y'AMAMODOKA

AIP David Shumbusho uri mu bashinzwe Inozabubanyi n’Itangazamakuru muri Polisi y’u Rwanda, yavukiye mu Karere ka Rwamagana mu 2001 mu muryango ufite amikoro aciriritse. Yakuze afite inzozi zo kuba umunyamakuru cyangwa umuyobozi. Yabwiye urubyiruko ko ibyatumye agera ku nzozi ze harimo kumenya icyo ashaka no kudacika intege. Yavuze ko yirinze ubusinzi n’izindi ngeso umuntu ashobora kwigira ku mbuga nkoranyambaga. Yashimiye ubuyobozi bwiza buha abana bose amahirwe yo kwiga bukanabafasha kugera ku nzozi zabo Nkurunziza Patrick wavukiye mu mashyamba ya Congo mu 1997, yavuze Uko yashimuswe afite imyaka 14 avanwa aho yigaga i Rutshuru, ajyanwa mu nkambi ya FDLR muri Walikale kwigishwa igisirikare. Ubwo yafataga icyemezo cyo gutaha, umuryango we wose wahise wicirwa muri Congo. Ageze mu Rwanda, yasanze ivanguramoko yari yarigishijwe ritaharangwa. Yarize ararangiza, ubu arakora kkandi agakoresha n’impano ye yo kuririmba atanga bwo guhamagarira abakiri mu mashyamba gutaha. Yasabye urubyiruko rw’u Rwanda kwiga guhatana no kudacika intege, rugaharanira kugeza Igihugu ku byiza.Queen Kalimpinya wavutse mu 1998, ubu akina umukino wo gusiganwa mu modoka. Yasangije abitabiriye Biro Politiki urugendo rwe muri uwo mukino n’amasomo amaze kuwigiramo. Yashishikarije urubyiruko kugira inzozi zagutse, gukorera hamwe no guharanira kugera ku ntego nk’uko Umuryango FPR Inkotanyi uhora ubidushishikariza. Ikiganiro cya mbere cyatanzwe n'urubyiruko ruri mu mirimo itandukanye aribo KalimpinyaQueen ukina umukino wo gusiganwa mu modoka, Nkurunziza Patrick, wahoze ari umurwanyi w’umutwe w'iterabwoba wa FDLR ndetse na AIP David Shumbusho ukora mu ishami ry'inozamubano n'itangazamakuru muri Polisi y'u Rwanda.