Kampuni ya kilimo Jatu yaleta Mshauri wa biashara

Dar es Salaam. Siku sita, baada ya Mkurugenzi Mtendaji wa Kampuni ya JATU PCL, Peter Gasaya(32) amefikishwe katika Mahakama ya Hakimu Mkazi Kisutu, akikabiliwa na shtaka la kujipatia Sh 5.1bilioni kwa njia ya udanganyifu, kampuni hiyo imeleta mshauri muelekezi kutoka Uholanzi kwa ajili ya kutengeneza mkakati na kuweka taswira nzuri kwa wawekezaji. Kaimu Mkurugenzi wa JATU PLC , Mohamed Simbano, amemtambulisha mshauri huyo kuwa ni Ben Philipsen ambaye atakuwepo nchini kwa kazi maalum ya kusaidia kampuni hiyo kutengeneza mpango kazi mpya wa baishara itakayoendana na dira na maoni ya kampuni , ikiwa ni pamoja na kushauri namna ya kuboresha uongozi na kumaliza madeni yote wanayodaiwa na wadai kwa kukaa meza moja na wadai.