အချိုမှုန့်မပါသဘာဝအရသာနဲ့ဖိုးစိန်လမ်းထဲက ဟင်းချိုချို ဟင်္သာတမုန့်ဟင်းခါးဆိုင်လေး

#ဟင်းချိုချို ဟင်္သာတမုန့်ဟင်းခါးဘူဖေးကို ၅၀၀၀ ကျပ်နဲ့ တနင်္ဂနွေတစ်ရက်ပဲရောင်းပေးတာပါ။ စဖွင့်တုန်းကတော့ ၁၅၀၀ နဲ့စပြီးတော့ရောင်းတာပေါ့။ အဓိကကတော့ အသက်ကြီးတဲ့ အဖိုးအဖွားတွေအတွက်ရည်ရွယ်ပြီးတော့ ရောင်းပေးခဲ့တာပါ။ အသက်ကြီးလို့သွေးတိုးတွေဘာတွေရှိရင်လည်း အဆင်ပြေအောင်ချက်ပေးထားတာပေါ့။ အဖိုးအဖွားတွေက ဒီခြံလေးထဲမှာ သူတို့ကိုယ်တိုင်ထည့်ပြီးစားရတဲ့ဖီလင်ကိုပိုပြီးတော့ကြိုက်ကြတယ်။ တနင်္ဂနွေနေ့တိုင်းအမြဲတမ်းလာစားကြတဲ့အဖိုးအဖွားတွေရှိတော့ကြည်နူးရတယ်။ ပြီးတော့ အဝေးကနေ ကားငှားလာစားကြတဲ့သူတွေက အဝေးကနေတကူးတကလာရတော့ ဈေးမတက်ပါနဲ့ဆိုပြီးပြောကြလို့ အခုထိ ၅၀၀၀ နဲ့ပဲရောင်းပါတယ်။ ဒီဆိုင်လေးမှာ မုန့်ဟင်းခါးစားရင်း သက်ကြီးရွယ်အိုတွေစုစည်းပြီးစကားလေးတွေပြောဖြစ်ကြတာကို ကြည့်ပြီးတော့လည်း ဝမ်းသာရပါတယ်။ သူတို့ကိုမြင်ရတော့လည်း ကိုယ်တိုင်လည်း တနင်္ဂနွေနေ့ဆို မိုတီရလို့အမြဲတမ်းမျှော်နေမိတယ်'' မဖြူဖြူသွယ် (ဟင်းချိုချို)#ကျန်းမာရေးနဲ့ညီညွတ်မျှတပြီးတော့ သက်ကြီးရွယ်အိုတွေအတွက်သင့်လျော်တဲ့ ဟင်္သာတမုန့်ဟင်းခါးချိုချိုလေးစားချင်တယ်ဆိုရင်တော့ ရန်ကုန်မြို့ ၊ သျှင်ပါကူဆေးရုံထိပ်ကနေဝင်ရင် ဖိုးစိန်လမ်းထဲက နတ်မောက်လမ်းသွယ် - ၁ ထဲက မြန်မာ့အလင်းသတင်းစာတိုက်ရဲ့ ၂ ခြံကျော်မှာတည်ရှိပါတယ်။ ခြံဝန်းလေးနဲ့အေးဆေးပြီး ကိုယ်တိုင်ထည့်စားလို့ရတဲ့ အချိုမှုန့်မသုံးဘဲ သဘာဝဟင်းချိုချို မုန့်ဟင်းခါးကိုဆက်သွယ်ချင်ရင် ဖုန်းနံပါတ် ၀၉၇၇၅၁၆၅၂၁၇ ကိုဆက်သွယ်လို့လည်းရပါတယ်။#ဟင်းချိုချိုမုန့်ဟင်းခါး #SundayJournal အနုပညာသတင်းထူးများကို အချိန်နဲ့တစ်ပြေးညီတင်ဆက်ပေးနေတဲ့ Sunday Mediaရဲ့သတင်းထူးများကို ကြည့်ချင်ရင်တော့ Subscribeလုပ်ပြီးဘေးကခေါင်းလောင်းလေးကိုနှိပ်ခဲ့ဖို့မမေ့နဲ့နော်၊။ #SundayjournalMyanmar