Twayisenga Emmanuel part 3 by Valens UWIMANA on 1 and 6 Oct 2024

Dukomeje kumva ubuhamya bwa Twayisenga Emmanuel.Mu mugabane wa kabiri duherukana atubwira uko yarokotse Jenoside yakorewe abatutsi.Yatubwiye uko Yagiye arokoka ibitero byinshi by’interahamwe ndetse mu cyahoze ari cellule y’iwabo akaba ariwe muntu w’igitsinagabo wenyine mu bahigwaga warokotse Jenoside imusigira ibikomere byo ku mubiri no ku mutima. Dukomeje ikiganiro Duhumurizanye rero tukurarikira gukurikirana umugabane wa gatatu w’ubuhamya bwa Twayisenga.Muri uyu mugabane aratubwira uko yinjiye mu gisirikare afite umugambi wo kwihorera ku bamwiciye umuryango bakanasahura umutungo wabo.Yagerageje kwihorera inshuro nyinshi ariko umugambi ugapfuba. Uko yaje gukira iryo hungabana akareka kwihorera,uko yateye intambwe yo kubabarira abamwiciye umuryango, uko yaje kureka kwiyahuza ibiyobyabwenge uyu munsi akaba ari umuvugabutumwa mu itorero ry’Abadiventiste b’umunsi wa 7 byose bikurikirane mu kiganiro kirambuye aganira na Radio Ijwi ry’Ibyiringiro.Njye wumva kuri mikoro nganiraho ndi Valens UWIMANA.