Toredu Hoda | ತೊರೆದು ಹೋದ | Santosh Chokkadi | Upasana mohan | Bhavageete |

ತೊರೆದು ಹೋದ ಎದೆಯ ಹಾಡು ಮರಳಿ ಬಾಳಿಗೆ ಬಂದಿದೆ ಸುರಿದ ಮಳೆಯು ಕಾದ ಇಳೆಗೆ ಎಂಥ ಮುದವನು ತಂದಿದೆ ಗಾಳಿ ಮೆಲ್ಲನೆ ಚಲಿಸಿ ಮೌನದ ಜೀವತಂತುವ ಮೀಟಿದೆ ತನ್ನ ಗಂಧವ ತಾನೇ ಸವಿದು ಹೂವು ಬೆರಗಲಿ ನಿಂದಿದೆ ಗೂಡು ಬಿಟ್ಟ ಹಕ್ಕಿ ಬಯಲಲಿ ಕನಸ ಬೀಜವ ಬಿತ್ತಿದೆ ಕುದಿವ ಕಡಲು ಒಳಗಿನಲೆಗಳ ಮೊರೆತ ಆಲಿಸಿ ತಣಿದಿದೆ ಬೇರನಿಳಿಸಿ ಮಣ್ಣಿನಾಳಕೆ ಮರವು ಧ್ಯಾನಕೆ ಸಂದಿದೆ ಶೃತಿಯ ಹಿಡಿದ ಖುಷಿಯಲೀಗ ಜೀವ ಹಾಡಲಿ ಕರಗಿದೆ ರಚನೆ: ಸಂತೋಷ ಚೊಕ್ಕಾಡಿ ಸಂಗೀತ: ಉಪಾಸನಾ ಮೋಹನ್ ಗಾಯನ: ಉಪಾಸನಾ ಮೋಹನ್