Podcast Vol.10 || Stylist ဖြစ်ဖို့ လွယ်သလား၊ Fashion Designer ဖြစ်ဖို့ လွယ်သလား?

ဒီတစ်ပတ် တနင်္ဂနွေည ကျွန်တော့်ရဲ့ Podcast အစီအစဉ်မှာတော့ အခု နောက်ပိုင်းနှစ်တွေမှာ မြန်မာပြည်က လူတွေ သတိပြုမိလာတဲ့ Stylist ဆိုတဲ့ ပညာရှင်တွေနဲ့ ပတ်သက်တဲ့အကြောင်းအရာတချို့ကို စကားပြောဆိုဖြစ်ထားပါတယ်။ အရင်က Stylist တွေ သုံးလေ့မရှိဘဲ ရိုက်ကွင်းတွေမှာ သရုပ်ဆောင်တွေကပဲ ကိုယ်ဝတ်သမျှ ကိုယ်ရွေး၊ ကိုယ်ဆင်၊ ကိုယ်မှတ်သား လုပ်ရာကနေ နောက်ပိုင်းရုပ်ရှင်တွေမှာ Stylist ကို သီးသန့် အသုံးပြုလာကြတာကို သတိပြုမိလာပါတယ်။ နိုင်ငံတကာမှာတော့ လုပ်နေကြတာ ကြာပြီဖြစ်ပေမယ့် မြန်မာအနေနဲ့ကတော့ ခေတ်စားလာတာ မကြာလှသေးဘူးလို့ပဲ ဆိုနိုင်ပါတယ်... ဒီအကြောင်းအရာနဲ့ ပတ်သက်လို့ လူငယ် ဖက်ရှင်ဒီဇိုင်နာလည်း ဖြစ်၊ ကိုယ်ပိုင် TNH brand ဖက်ရှင်အဝတ်အစားတွေ ထုတ်လုပ်ရောင်းချနေသူလည်း ဖြစ်သလို Stylist တစ်ယောက်ပါ ဖြစ်တဲ့ သီဟဉာဏ်ထက် နဲ့ စကားပြောဆိုထားသမျှ တင်ဆက်ပေးလိုက်ရပါတယ်ခင်ဗျာ... ဒီ Podcast မှာ - 🔹 Stylist တစ်ယောက် ဖြစ်ဖို့ ဘာတွေလိုအပ်သလဲ 🔹 Stylist တစ်ယောက် ဟာ ပန်းချီ၊ ပုံဆွဲ အခြေခံရှိဖို့ လိုအပ်သလား 🔹 ဖက်ရှင်ဒီဇိုင်နာတစ်ယောက် က စက်ချုပ်တတ်ဖို့လိုသလား 🔹 ဖက်ရှင်ဒီဇိုင်နာ တစ်ယောက် Stylist လုပ်တဲ့အခါ ဘာတွေ ထူးခြားသွားလဲ 🔹 King of the Set ဆိုတဲ့ ဒါရိုက်တာတွေရဲ့ စကားကိုတောင် လွန်ဆန်တတ်တဲ့ ရုပ်ရှင်နယ်ပယ်မှာ Stylist တစ်ယောက်စကားကို နာမည်ကြီးသရုပ်ဆောင်တွေ နားထောင်ပါ့မလား စတဲ့ အကြောင်းအရာတွေကိုပါ စကားပြောဆိုထားကြပါတယ်ခင်ဗျာ... ကျွန်တော် Podcast တွေကို အရင်က အသံသီးသန့်လုပ်ဖြစ်ရာကနေ ဒီ ၂၀၂၅ မှာတော့ Video Podcast တွေ အဖြစ် အသက်သွင်းဖို့ ကြိုးစားထားပါတယ်။ Thiha, the Traveller Podcast ကနေ ကြည့်ရှုနားဆင်သူတွေ အကျိုးရှိစေမယ့် အကြောင်းအရာတွေကို ဖန်တီးတင်ဆက်ပေးသွားမှာဖြစ်ပြီး အပတ်စဉ် တနင်္ဂနွေ ညတိုင်း အသစ် တင်ဆက်ပေးသွားပါမယ်။ အားလုံးပဲ အစဉ်ဘေးကင်းကျန်းမာ စိတ်ချမ်းမြေ့ကြပါစေ သီဟလုလင် | Thiha, the Traveller