هذي الزيارة باقية - علي حمادي - شهادة الإمام الجواد(ع) 1443هـ - عزاء الدراز

موكب عزاء الدراز الموحد في ذكرى استشهاد الإمام محمد الجواد (ع) 1443هـ بمشاركة الرادود | الحاج علي حمادي كلمات الشاعر | عبد الله القرمزي تصوير :- مجموعة عدسة الدراز للإنتاج الفني بالتعاون مع :- اللجنة الإعلامية للموكب العين للإنتاج الفني التسجيل الصوتي علي النينون حسن عبد الرؤوف الهندسة الصوتية م. علي النينون مونتاج و إخراج صادق جعفر كلمات الفقرة الرابعة :- يالجواد اولايتك دين وعقيدة وفي مودتكم عقيدتنا أكيدة وفي زيارتكم نأكد هالمودة ونركب الصعبه ونقرّب كل بعيدة كان يا ما كان من فاطمه الزهرا اتزور حمزه وهالفعل كلنا نعيده دين عندنا هالسفر مو سفر دنيا وكل من يقدم فدا دينه وريده ليّه ديني وإلك دينك ليّه ديني عوفني وديني اودينك ما أريده والدهر كله اختبرني وعرف عزمي في صراعات الإرادات العنيدة للموت للموت هذي الزيارة باقية للموت للموت لو طغت بينا الطاغية للموت للموت شيعه العهدها وافية الموت للموت نوصل العتره الهادية الله أمر من اللي يكسر إرادة أمره ويغلق احدوده عنا ويمكر علينا مكره عندنا الوفا عقيده نوصل احسين وقبره ونوصل علي وضريحه ونتعبّد اعلى ذكره وقبر الرضا نطوفه في غربته نحضره انواسي الزهره فيهم وبالصدر بينا جمره هالرايه ترتفع على مر السنين أبد ما تنقطع زيارة الحسين عقيده ثابتة أبد ما نستكين ولا ايهمنا البلا اوكيد الحاقدين يبغضونك علي والله يلمنكس علمهم حقد من أُحد من خيبر حقد يجري في دمهم قتلت أجدادهم انته اونصبوا لك ظلمهم وعادوا شيعتك كلها اومثل السم إسمهم علي وكلما يمر إسمك علي تغلي حممهم اوباچر في الحشر باچر رسول الله خصمهم