DANA WINNER Lied Van Hoop

“Lied van Hoop” is met rede die heel eerste lied op die 12-snit spogalbum BLOOM. Dit lê Dana baie na aan die hart en die lied se boodskap is iets wat sy graag met ander wil deel. Dié lied laat 'n mens dink oor waar die wêreld homself tans bevind te midde van konflik en geweld en dat daar ten spyte daarvan steeds hoop is – hierdie boodskap, tesame met Dana se pragtige stem, sorg vir 'n lied met hope trefferpotensiaal. Saam met “Lied van Hoop” is daar ook twee Afrikaanse bonussnitte naamlik “As Jy My Aanraak” en “As Jy My Kon Verstaan”. Op die res van die album sing Dana ook in Engels, Nederlands, Duits en Frans. Die bekende Afrikaanse gospelsanger, Rudi Muller, asook die musiekkenner en besigheidsman, Kobie Koen, het “Lied van Hoop” spesiaal vir Dana geskryf. “Dit was vir ons 'n voorreg om die lied vir haar te kon skryf. Sy is immers Afrikaanssprekendes se grootste taalambassadeur in die buiteland,” het Koen gesê. Volgens Muller is dié lied werklik een met 'n doel. “Die idee is om mense deur musiek te herening as 'n eenheid van hoop.” Follow Dana Winner here: https://www.danawinner.com​   / danawinner2​     / ​   https://open.spotify.com/artist/6pmOb...   / dana-winner   More info about Dana Winner: http://www.danawinner.com