طقوس غريبه -كلمات عبدالصمد الحليلي اداء مشعل بن عزاز

تابع المنشد مشعل بن عزاز عبر سناب شات ؛ ‏https://www.snapchat.com/add/mash-l0?... مشعل بن عزاز - طقوس غريبه ( حصرياً ) 2023 ‏Meshaal bin Azaz - stages of life (exclusive) 2023 كلمات ؛ عبدالصمد الحليلي آداء ؛ مشعل بن عزاز تصميم ؛ هيثم الخضيري #شيلة #شعر #محاوره ——————————————— الكلمات ؛ سرى الليل وانا بين همً وضيقة بال طقوسٍ غريبه تخلف اللي يمر ابها تصول وتجول بخاطري من ثلاث ليال لها وقت وسط الراس ماغير اقلبها ضميري يذكرني بعلمً حصل بأهمال وعيني بغت تبرق وتمطر سحايبها تقول ان صايبني من المسلمين جفال عجز مذهبي لا يتفق مع مذاهبها مابين الصديق الذرب والناكر المحتال هذا يكتم اسراري وهذا يسربها قضيت اول المشوار بالحل والترحال وهالحين نص البدو اثني ركايبها سبحت بفلك ياللي سبحتوا على الأطلال بعد ما لقيت الأرض ضاقت مناكبها ترى المحتوى المزعوم ما يصنع الأبطال الأبطال يصنعها تتطور مواهبها يقولون ماعندك مفاتيح للأقفال مشت معك دنياك ونفعتك تجاربها ولسان الحقيقة مارضى بالكلام وقال مشت معه يوم انه وطاء فوق غاربها وانا اقول نور الشمس ما يحجب بغربال بعد ما شرقت ما هيفت يم مغربها تمنون فرقاها بحالٍ من الاحوال جبال الجليد اليا تعلت تذوبها على هونكم باقي عذاب وسنين طوال بنوك الذهب يبقى ذهبها لـ صاحبها ليا راحوا العقّال مع سكة الجهال يعرفون قيمتها لا خليّت مزاهبها تراوغ بنا الدنيا على مركب الأمال ولا أرست على ميناء السعادة بـ مركبها ياكبر البحر لكن ماله ذرى وضلال وهذي مايعلم سرها غير كاتبها ثبتنا وثبتّنا الحقايق بدون جدال وحجزنا المراكز عقب سقنا ضرايبها غامرنا وضحينا بثلثين راس المال وسلمنا من العيّات واللي مصاحبها تضلل عقول الناس بـ أريا وفكرٍ ضال وغنالها الشيطان موال واطربها