هاتنی ئیمامی مەهدی و ڕووداو و جەنگەکانی | 5 | ڕێڕەوێک بەرەو قیامەت | م. ڕەنجدەر کوردی
١. کەسایەتی و سیفەتەکانی ئیمامی مەهدی نەسەب و ناو: لە نەوەی پێغەمبەره (ﷺ) و لە کچەکەی (فاتیحە/فاتیمە)یە. ناوی هاوشێوەی ناوی پێغەمبەرە (محمد) و ناوی باوکیشی هاوشێوەی باوکی پێغەمبەرە (عەبدوڵڵا). سیفەت و ئامادەکردنی: ناوچەوانێکی فەراوان و لووتێکی باریک و بەرزی هەیە. خوا لە یەک شەودا شایستەی دەکات و بۆ سەرکردایەتی چاکی دەکات (صلحه الله في ليلة). دەرکەوتنی: لە کاتێکدا دەردەکەوێت کە زەوی پڕ بووە لە زوڵم و زۆر. لە مەدینەوە ڕادەکات بۆ مەککە تا خۆ لە بەرپرسیارێتی بپارێزێت، بەڵام خەڵک لە نێوان (ڕوکن و مەقام) بەزۆر بەیعەتی پێ دەدەن. ٢. زنجیرەی ڕووداوە سەربازییەکان و فەتحەکان قوتدانی سوپای شام (الخسف): سوپایەک لە شامەوە ڕەوانە دەکرێت بۆ کوشتنی مەهدی، بەڵام لە ناوچەی (بەیداء) لە نێوان مەککە و مەدینە زەوییان بەسەردا دەڕووخێت و قوتیان دەدات. ئەم ڕووداوە دەبێتە بەڵگەی بەهێز و یەکلاکەرەوە بۆ ئاشکرابوونی مەهدی. فەتحی جەزیرەی عەرەب و فارس: مەهدی لە سەرەتادا نێوخۆی جەزیرەی عەرەبی و پاشان خاکی فارس رزگار و یەکپارچە دەکاتەوە. پەیمان بەستن لەگەڵ ڕوم (ڕۆژئاوا): موسڵمانان لەگەڵ ڕۆم ڕێککەوتنی ئاشتی دەکەن بۆ ڕووبەڕووبوونەوەی دوژمنێکی هاوبەش لە پشت خۆیانەوە. جەنگی گەورە (الملحمة الكبرى): لە دوای سەرکەوتن بەسەر دوژمنە هاوبەشەکەدا، ڕۆمەکان غەدر و پەیمانشکێنی دەکەن، کە دەبێتە هۆی هەڵگیرسانی جەنگێکی زۆر گەورە لە خاکی شام لە نێوان موسڵمانان و ڕۆژئاواییەکاندا. فەتحی قوستەنتینیە: موسڵمانان دوای سەرکەوتنیان لە مەلحەمەی گەورەدا، بەرەو ئەستەمبوڵ (قوستەنتینیە) دەچن و بە بەرزکردنەوەی دەنگی تەکبیر فەتحی دەکەن. ٣. دەرکەوتنی دەججال و دابەزینی عیسا (علیه سلام) دەرکەوتنی دەججال: لە دوای فەتحی قوستەنتینیە، دەججال وەک گەورەترین فیتنەی سەر زەوی دەردەکەوێت. دابەزینی حەزرەتی عیسا (علیه سلام): عیسای کوڕی مەریەم (علیه سلام) دابەزێتە خوارەوە و لە پشت ئیمامی مەهدی نوێژ دەکات (وەک ڕێزلێنانێک بۆ ئەم ئومەتە)، دواتر دەججال لای دەروازەی (لُدّ) دەکوژێت. ٤. ماوەی حوکمڕانی و کۆچی دوایی ماوەی حوکم: ئیمامی مەهدی بۆ ماوەی ٧ تا ٩ ساڵ حوکمڕانی دەکات. سەردەمی زێڕین: خاکی زەوی پڕ دەبێت لە دادپەروەری، بەرەکەت، فەرەیی و سامانی بەخۆڕایی. کۆچی دوایی: مەهدی بە مردنێکی ئاسایی (نەخۆشی) وەفات دەکات، عیسا (علیه سلام) و موسڵمانان نوێژی لەسەر دەکەن، دواتر سەرکردایەتی جیهانی ئیسلامی بۆ ماوەی ٤٠ ساڵ دەکەوێتە دەست حەزرەتی عیسا (علیه سلام).
