ഇവിടെ നാം പിരിയുകയാണോ സഖീ Emotional Poetry​ ഹൃദയസ്പർശിയായ വിരഹ കവിത​. Malayalam Kavitha | Sad

ഇവിടെ നാം പിരിയുകയാണോ സഖീ... നഷ്ടങ്ങളുടെയും ഓർമ്മകളുടെയും തീരത്ത് നിന്നു കൊണ്ട്, വാക്കുകൾ കൊണ്ട് പറയാനാവാത്ത ആ വിരഹ വേദനയിലേക്ക് ഒരു എത്തിനോട്ടം. ഈ കവിത നിങ്ങളുടെ ഹൃദയത്തെ സ്പർശിക്കുമെന്ന് കരുതുന്നു." #MalayalamPoem #Kavitha #MalayalamKavitha #PoetryMalayalam #MalayalamPoetry #MalayalamWords ​വികാരപരമായ ഹാഷ്ടാഗുകൾ (Emotional): #SadPoetry #PainfulLove #Separation #Viraham #MalayalamViraham #MissingYou #Heartbreak #MalayalamFeelings കവിത മൗന ലിപി രചന. പ്രിയ കവി കരകുളം ഗോപൻ ​ഇവിടെ നാം പിരിയുകയാണോ സഖീ ഇവിടെ നാം പിരിയുകയാണോ സഖീ അതിരുകളില്ലാത്തൊരാത്മബന്ധത്തിൻ നിറവിൽ രമിച്ചവർ നമ്മൾ നിറമുള്ള സ്വപ്നച്ചിറകുമായ് വാനിൽ പറക്കാൻ കൊതിച്ചവർ നമ്മൾ വർഷം പൊഴിച്ചിട്ട മാമ്പൂ കണക്കെ മോഹം നശിച്ചിന്നു നമ്മൾ. ​പിരിയുമ്പോളുൾവേര് പറിയുമാ വേദന സിരകളിൽ തീയായ് പടരുമ്പോഴും നിറകണ്ണുമായ് നിൽക്കുമെന്നിൽ മൗനം കൊടികുത്തി വാഴുന്നു നിത്യ സത്യം ​ഇനിയുള്ള നാളുകൾ നിന്നോർമ്മയെന്നിൽ ഉലയൂതി അഗ്നിപടർത്തിടുമ്പോൾ നഷ്ടങ്ങളൊന്നായ് ചിലമ്പിട്ടു മുന്നിൽ നൃത്തം ചവിട്ടാൻ തുടങ്ങും ചടുല നൃത്തം ചവിട്ടാൻ തുടങ്ങും ​ഉയിരുള്ള കാലം മറക്കുവാനാകുമോ ചിത്തത്തിൽ നിന്നോർമ്മ പൂക്കുവോളം. മിഴി മെല്ലെ പൂട്ടി ഞാനുള്ളോടുരച്ചു കരയരുതെന്നൊരു നൂറുവട്ടം. ഉറവ വറ്റാതെഴുമെന്റെ സ്നേഹം നിനക്കായെന്നുമെന്നുള്ളിൽ ഭദ്രം ​നിശയുടെ മാറിൽ നിലാവണയുമ്പോൾ നിശാഗന്ധി പൂക്കൾ മിഴി തുറക്കുമ്പോൾ നീ പകർന്നേകിയ സ്നേഹക്കടലിൽ നീന്തിത്തുടിക്കുമെന്നുള്ളം ഒരു വാക്കു കൊണ്ടെന്റെ സ്വന്തമാക്കാൻ നിന്നെ കഴിയാതുഴലുന്നന്നുമിന്നും ​പോകാതിരുന്നെങ്കിൽ പിരിയാതിരുന്നെങ്കിൽ എന്നായിരംവട്ടം മനസ്സുരയ്ക്കേ ഏറ്റുപറയാനാവാതഴലുമെൻ നാവു ബന്ധിക്കുന്നൊരെന്തൊരു ദുർവിധി!