Te Maurea Whiritoi | Whakaeke | 2024 | Tainui Rangaranga

Whakaeke of Te Maurea Whiritoi from the National Secondary School Kapa Haka Competition 2024. Lyrics composed by Ngā mātua tūpuna, Toti & Frankie West. Tune composed by Toti & Frankie West. KUPU Tōia Tainui, tapotu ki te moana. Mā wai e tō? Māku e tō, mā Whakatau e tō. Whakarongo ake au ki te taha o te rangi, e. He tarawai nuku, he tarawai rangi. Puhia te ahi, e. Nau mai e Tāne. Ka kau tāua i te awa i Pikopiko-i-whiti. Kia mātakitakina koe, e te tini, e te mano, e. Auē! Turuki, paneke, te ihu o te waka, Tainui, e! Hiaroa, hiaroa! Ko te iringa tēnei o Tainui. Tapatapa hau, tapatapa hau. Ka kau takawini, ka kau takawana. Ika waerea, ko Paneiraira, e. Auē! Whakarite, kia rite. Kia mau, hī! Kia mau ki te kakau o te hoe, taku hoe tapu, ko Hauhau-te-rangi, e, ko Maninitua, ko Maniniaro. He kura wiwini, he kura wawana. Tēnei te rangaranga a Tainui Waka. E ranga! (E) tere ki whea? (E) tere Te Moana-o-Raukawakawa, ki Ngāti Toa Rangatira, Ngāti Rārua, Ngāti Koata, e. Tōia Tainui ki uta, ki te urunga, ki te moenga, ki te takotoranga i takoto ai te waka. Hī! Hī! Hī! Hei!