СУЛУУЛУК УЧУН, ЖАШАРТУУЧУ ТАБИГЫЙ МАЙЛАР

СУЛУУЛУК ҮЧҮН ТАБИГЫЙ МАЙЛАР Адамдар сулуулук үчүн бир топ акча коротушат. Косметикалык каражаттардын бири терисине жакса, экинчиси жакпайт. Эгерде косметикалык майларды колдонуп көрсөңүз, сиздин чөнтөгүңүзгө да үнөмдүү, натыйжасында өзүңүз да ыраазы болосуз. БАДАМ МАЙЫ Курамында: Е, В2 витаминдери, натрий, темир, цинк, фосфор бар. Бадам майы (миндальное масло) бетти агартууга, серпилгичтигин арттырууга, безеткини, безеткиден калган тактарды кетиргенге жакшы жардам берет.КАСТОР МАЙЫ Курамында: А, Е, витаминдери бар, кальцийге бай. Кастор майынын жардамы менен каш, кирпик, чачты өстүрүп, бекем кыла аласыз. Жатар алдында каш менен кирпикти майлап жатсаңыз, бир айдын ичинде натыйжасын байкайсыз. Чач үчүн майды бир аз жылытып, чачтын түптөрүнө манжалар менен жакшылап сүртүп туруп полиэтилен баштыкчасын кийип алыңыз.ЗАЙТУН МАЙЫ Курамында: E, А, D витаминдери бар. Зайтун майы (оливковое масло) байыртадан "сары алтын" деп айтылып келгени бекер эмес. Анын эң негизги милдети – беттин терисин нымдандырат. Бал менен жакшы айкалышат. Териңиз кургап бара жатса бетиңизди жууп, кремдин ордуна зайтун майы менен майлап коюңуз.Бет терисин май менен жууңуз Бетти өсүмдүк майы менен жууп чыгуунун көптөгөн артыкчылыктары бар: биринчиден, ар кандай типтеги бет терисин жакшы тазартат; экинчиден, терини кургап кетүүдөн коргойт; үчүнчүдөн терини жумшак, жагымдуу жана назик кылат. Майды бетиңизге сүйкөп, укалап, бир аз жылуу суу менен жууп таштаңыз. Эмнеге майлуу териге пайдалуу? Биздин терибиз ар дайым май бөлүп турат. Керек болсо кургак теринин өзүндө да май бездери кездешет. Терини жалаң гана суу менен жууп, биз жаңылышабыз, аткени майды суу менен кетире албайбыз. Ал эми майга май менен таасир берүүгө болот, тагыраак айтканда эритип, ашыкчасын кетирүүгө мүмкүндүк берет.