“Vətəndaşları da tıncıxdırır” | Dənizkənarı obyekt sahibləri görün necə ziyana düşdü - Baku TV

Yay fəslinin ilk ayı başa çatsa da, havaların qeyri-sabit və sərin keçməsi çimərlik mövsümünə mənfi təsir göstərib. Hazırda Novxanı çimərliklərində əvvəlki illərlə müqayisədə xeyli az insan müşahidə olunur. Yağışlı və küləkli hava səbəbindən müştəri sayı kəskin azalıb. Son günlər yağan yağışlardan sonra çimərlik ərazilərinin bəzi hissələrinin palçıqlı olması da insanların dəniz sahilinə getməsinə mane olur. Dənizkənarı obyektlərdən birinin administratoru İbrahim Novruzov bildirib ki, əvvəlki illərdə iyun ayında çimərliklərdə böyük izdiham yaşansa da, bu il obyektlər demək olar ki, boş qalıb. O qeyd edib ki, sahibkarlar əsas gəlirlərini üç yay ayı ərzində əldə etməyi planlaşdırırlar. Lakin mövsümün üçdə biri artıq geridə qalsa da, gözlənilən qazanc əldə edilməyib. İbrahim Novruzovun verdiyi məlumata əsasən, icarəyə götürülən dənizkənarı obyektlərin illik icarə haqqı əraziyə və müştəri potensialına görə 60-80 min manat arasında dəyişir. Onun sözlərinə görə, hazırkı hava şəraiti davam edərsə, bu obyektlərin bir çoxu mövsümü zərərlə başa vura bilər. Bizi WhatsApp-da izləyin https://whatsapp.com/channel/0029VaAm... https://t.me/bakutvxeber https://x.com/bakutvofficial   / baku.tv   https://www.baku.tv ❂❂❂❂❂ 2026 © All Rights Reserved ℗ "Baku TV" LLC ™ #bakutv #bakutvxəbər #gündəm baku tv,baku tv xəbər, aktual xəbər, Azərbaycan xəbərləri, xəbər, baku tv canlı, gündəm, son dəqiqə, xəbər, Azərbaycanda son xəbərlər, Azərbaycan