Alalá nº 78 "Os Carunchos"- TVG

Capítulo nº 78 "Os Carunchos" Emisión TVG: 19 de maio do 2008 Os Carunchos son un grupo que ten alma, voz e a súa propia filosofía: En primeiro lugar voz: potente e con aguante, porque a maioría das pezas dos Carunchos son cantadas. A filosofía dos Carunchos é a “calma festiva”. Se hai que empeñar 14 anos para sacar 3 discos empréganse e punto, iso sí, facendo probas en foliadas, concertos e festas varias. A alma dos Carunchos é algo moi especial. Luís “O Caruncho”: Músico excepcional e coñecido en toda Galicia como gaiteiro en pechado e regueifeiro imbatible. Os Carunchos son un grupo contaxioso. Contaxian gañas de bailar, tocar e cantar. Humor, ledicia e sobretodo festa. A mesma peza nunca a tocan igual, porque vanse cambiando os instrumentos, así que todos tocan de todo á vez que cantan. Os Carunchos son novos, vailles a festa e tocan o que lles boten, así que preparádevos, porque neste Alalá ides botar máis dun pé.