RAIS MWINYI NA MWENYEKITI WA KAMPUNI KUZALISHA MWAMI

Rais wa na Mwenyekiti wa Baraza la Mapinduzi Zanzibar Dkt Hussein Ali Mwinyi amesema Serikali inaendelea na Mikakati mbalimbali ya kuhakikisha Kilimo cha Mwani kinaongezeka Thamani na kuwanufaisha Wakulima wa Zao hilo. Rais Dķt, Mwinyi ameyasema hayo leo tarehe 30 Machi 2026 alipokutana na Mwenyekiti wa Kampuni ya TSC Pupple Limited ya India na Ujumbe wake waliofika Ikulu ,Zanzibar . Rais Dķt, Mwinyi ameuelezea Ujumbe huo kuwa Serikali imeliweka Zao la Mwani kuwa Kilimo cha kipaumbele kutokana na Kuwashirikisha Wananchi wengi hivyo lengo ni kuhakikisha Wananufaika na kazi ngumu wanayoifanya kwa kuliongezea thamani zao hilo kwa Ongezeko la Uzalishaji, kutafuta Masoko ya Uhakika na Ongezeko la bei . Amesema Kampuni ya Mwani ya Zanzibar imekuwa ikinunua Mwani kutoka kwa Wakulima lakini haijaweza kufikia lengo kwa kukosa Soko la Uhakika hatua inayochangia Wakulima wengi kubakia na Mwani mwingi majumbani mwao bila ya soko. Rais Dķt Mwinyi ameihakikishia Kampuni hiyo kuwa Serikali ina dhamira ya Dhati ya kushirikiana naTaasisi za ndani na za Kimataifa kuijengea Uwezo Kampuni ya Mwani ya Zanzibar (ZASCO) na kuwajengea Uwezo Wakulima wa Mwani kuzalisha Mwani bora zaidi unaokubalika katika Masoko ili kuinua hali zao kiuchumi. Rais Dķt, Mwinyi ameishauri Kampuni hiyo kuwa na Utaratibu wa kuununua Mwani ukiwa Mbichi kutoka kwa Wakulima hatua itakayowapunguzia gharama za Uzalishaji. . Naye Mwenyekiti wa TSC Pupple Limited Dr , Stefan Kraan amesema Kampuni hiyo imaendelea na Ufungaji wa Mitambo katika Kiwanda cha Kusarifu Mwani Cha Chamanangwe ambapo hatua hiyo itakamilika Mwezi wa June 2026 na kuanza Uzalishaji Mwezi wa Septemba Mwaka 2026 hatua aliyoielezea kuwa italenda Mapinduzi Makubwa katika kilimo cha Mwani Zanzibar ikiwemo Uzalishaji wa mbolea ,Chakula cha Wanyama na Dawa. Aidha amemuelezea Rais Dkt, Mwinyi kuwa Kampuni hiyo inatarajia kuandaa Mkutano Mkubwa wa Wadau wa Kilimo cha Mwani utakaofanyika Tanzania ifikapo Tarehe 16 hadi 19 June 2026 na hatimaye kuwa na Ziara Maalum katika Maeneo mbalimbali yanayolimwa Mwani, Zanzibar kubaini maeneo na fursa mpya za kukiendeleza kilimo cha Mwani hapa nchini.