MASAITSEWENG - BODIBA JWA DINGAKA

Masaitseweng ke thulaganyo ye e sekasekang masaikatlegang le bohitlha jwa ditiragalo tsa botshelo ka go latedisa ditumelo tsa Batswana. Re tsaya motlhala mo go bo mankge ba ditumelo ka go farologana, re etela mafelo a a boitshegang, re gatlhamela masisi, re farantlholola bobipo ka go tlhotlhoma le lefatshe lotlhe la botswana bosigo le motshegare. Go na le tumelo ya gore makadiba a a fitlhelwang mo lefatsheng le, a tletse ka dinoga tse ditona tse di bonwang fela ke ba ba nang le maltho a semowa kgotsa phatlha ya go bona dilo tse di bipilweng. Bangwe ba re dikgaga kgotsa magaga jaaka go tlwaelesegile, ke bonno jwa matimona ebile e le boremelelo jwa ditiro tse di sa itshekang. Go na le ba ba dumelang gore dithaba di na le mewa mengwe kgotsa dithata tse di rileng tse ka tsone motho a ka fitlhelang go le gontsi mo botshelong. Mangwe a mafelo a a umakilweng a, a dirisiwa ke dingaka tsa setso gammogo le ba dikereke tsa semowa go lopa dithata tse di ka lwantshang dikgwetlho tsa botshelo jaaka makoa,ditsheko,dintwa tsa semowa le tsa senama. Tse tsotlhe di lopiwa mo modimong le kwa badimong.Fela go na le ba ba nang le poifo ya mafelo a.