Rudina - A e dini se…/5 pyetje të rëndësishme për çajrat, flet agronomi Zef Gjeta

Agronomi, Zef Gjeta, foli sot në “Rudina” në Tv Klan lidhur me përfitimet e konsumit të çajit, llojet si edhe për veçoritë e çajit shqiptar. Ai tha se pas ujit, çaji është një nga pijet më të rëndësishme në botë. Teksa renditi benefitet e çajrave, agronomi listoi dy lloje çajrash shqiptarë atë të jugut dhe atë të veriut, që nuk njihen shumë nëpër botë. Agronomi rekomandoi çajin me gjethe ulliri për personat pas moshës 40-vjeçare që vuajnë nga diabeti, tensioni i lartë dhe infeksionet në trup. Rudina Magjistari: Cilët janë pesë llojet më kryesore të çajrave në botë? Zef Gjeta: Sipas vendeve dominon një lloj çaji, është i mirënjohur çaji jeshil dhe çaji i zi, ne i kemi në Shqipëri, por nuk kultivojmë vetë. Unë gjithmonë rekomandoj çajra shqiptarë. Pastaj vijnë çajra nga zona të ndryshme siç është Kina dhe India, të cilët kanë erëza, janë çajra të përzierë. Rudina Magjistari: Çfarë vendi zë çaji ynë i malit në tërësinë e çajrave në botë? Zef Gjeta: Nëse do ta njihnin do ta vlerësonin më shumë. Ne kemi dy lloj çajrash, çajin e jugut dhe çajin e veriut. Çaji i jugut është çaj i verdhë. Çaji i veriut është çaji i malit që në fakt është rigoni, qoftë i kuqi qoftë, apo i bardhi. Çaji i veriut nuk njihet nga italiantë si çaj, e përdorin si rigon, në momentin që e provojnë iu pëlqen shumë dhe nuk ndahen nga ai. Rudina Magjistari: Cilët janë llojet e çajrave që përmbajnë më shumë kafeinë? Zef Gjeta: Çaji i zi është me më shumë kafeinë, më pas janë dy çajra aziatike dhe pastaj vjen çaji jeshil. Shumica e çajrave në përbërjen e tyre kanë kafeinë. Agronomi tha se sipas studimeve rekomandohet që të konsumohen maksimumi katër gota me çaj në ditë. “Nëse pini 7 çajra në ditë është më mirë të pini 7 kafe se sa 7 çajra. Abuzimi me çajrat është tepër shumë. Rekomandojmë 2 çajra për njerëzit normal. Ata që vuajnë nga sëmundjet 4”, tha agronomi. Cilat janë çajrat që ndikojnë në metabolizmin tonë dhe ndihmojnë në humbje peshe? Zef Gjeta: Metoda më e mirë për të humbur peshë është të pakësosh ushqimin ditor. Në çajrat hyn çaji i mollës së egër, në fakt është edhe uthulla e mollës së egër. Është mirë që të përdoret 5 deri në 7 lugë gjelle, jo esëll. Mund ta hedhm, në një shishe me ujë që ta pimë gjatë ditës që mos të na dëmtojë stomakun. Mund ta hedhim edhe në fasule, edhe në sallatë. Efekte pozitive kanë edhe të dy çajrat e malit, por më shumë ka rigoni, ndikon pozitivisht edhe në metabolizëm. Çaji i kamomilit nuk ndikon aq direct në humbjen e peshës sa të parat, por duke të qetësuar dhe duke qenë më të relaksuar ndikojnë në konsum më të pakët. #Rudina, një program nga autorja dhe moderatorja #RudinaMagjistari, një prej emisioneve më të ndjekur dhe të dashur për publikun duke ofruar tema të larmishme për të gjithë familjen. SUBSCRIBE to “RTV KLAN” on YouTube for more videos! Në studio: Zef Gjeta Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/