Shkumbini, lumi i mbeturinave, plehrat dhe ujerat e zeza po shkaterrojne gjithcka| ABC News Albania

Dikur një nga lumenjtë më të pastër, sot lumi Shkumbin është më i ndotur në vend. Nis në malin e Valamares në afërsi të Pogradecit dhe pasi përshkon një luginë 181 km të gjatë, përfundon në detin Adriatik, në Plazhin e Vilë-Bashtovës. Mbeturinat janë kudo, ndërsa në zonë kundërmon era e keqe. 200 herë më të ndotura janë ujërat e lumit shkumbin, i cili përshkon të gjithë qarku  e Elbasanit. Në këtë shtrat të këtij lumi derdhen 7 kolektorë të ujërave të zeza të bashkive Prrenjas, Librazhd, Elbasan dhe Peqin. Dekada më parë ndotja shkaktohej nga Kombinati Metalurgjik, Rafineria e naftës në Cërrik si dhe nga aktiviteti industrial i zonës. Kurse pas viteve 90 ndotësi më i madh u kthye vetë njeriu. Hedhja e plehrave pa kriter në shtatin e lumit ka bërë që specialitet të japin alarmin për nivelin e lartë të ndotjes. Vetë qytetarët pohojne se kjo është një problematike që ndodh prej vitesh. “Kjo varet nga banorët e papërgjegjshëm që i hedhin mbeturinat pa kriter. Pastrohet rrallë për mos me thënë fare”, ka thënë një banor i zonës.  Një tjetër banor shprehet se gjatë veres ky është një problem që shtohet më shumë.  Mbeturinat dhe ujrat e zeza po shkatërrojnë gjithçka. Pavarësisht ndotjes, banorët e zonës vijojnë ta përdorin ujin për vaditje.  Ndërsa nuk mungojnë edhe qytetarë që peshkojnë.  Lumi Shkumbin e ka patur tepër të theksuar problematiken e ndotjes dhe nga viti në vit situata ka ardhur duke u rënduar. Ndrëkohë nga autoritet ende nuk ka asnjë përgjigje për pastrimin e saj. /abcnews.al Per informacionet me te fundit klikoni: Web: http://abcnews.al/ Facebook:   / abcnews.al   Instagram:   / abcnewsal   Subscribe kanalin tone ne: youtube:   / abcalbanian   #abcnews #abcnewsalbania