Nga Rigoni te Mjalti: Bletaria SMART dhe Potenciali Mjaltor i Rigonit

Ky demonstrim në fushë synon të evidentojë rolin e rigonit (Origanum vulgare L.) si një bimë aromatike, mjekësore dhe mjaltore me rëndësi të veçantë për zhvillimin e qëndrueshëm të bujqësisë dhe bletarisë. Aktiviteti u zhvillua gjatë periudhës së lulëzimit, kur prodhimi i nektarit dhe aktiviteti i polenizatorëve arrijnë nivelet më të larta. Në një botë që gjithmonë e më shpejt ndryshon, është e domosdoshme që edhe disiplinat "historike" ose tradicionale" si bletaria të jenë të përgatitura për ndryshimin. Në termat bashkëkohore ky menaxhim i kolonive të bletëve quhet bletaria SMART. Këto ndryshime drastike që ka pësuar bletaria në 50 vitet e fundit vijnë si pasojë e: mbërritjes së varroa destructor reduktimit të mjediseve natyrore anomalive gjithmonë e më të shpeshta të motit paqëndrueshmërive të periudhave të lulërive dhe grumbulimit të nektarit Këta faktorë kërkojnë që bletari të zotërojë metoda alternative të menaxhimit të zgjojeve siç është rasti i përgatitjes së bletëve për kullotën e rigonit të kultivuar. Kjo përgatitje ka të bëjë me faktorin kohë, pasi kultura e rigonit ka një lulëri e cila zgjat 8-14 ditë. Pra bletari duhet të menaxhojë përgatitjen e kolonive të tij të bletëve në mënyrë të tillë që të jenë të gatshme për shfrytëzimin e kësaj kullote. Kjo ndër të tjera është një mundësi shumë e mirë për të prodhuar mjaltë monoflorealë nga rigoni i kultivuar. Mjaltë me vlera të larta ushqyese 📌 Ndiqni videon për të mësuar më shumë rreth praktikave që ndihmojnë në prodhimin e mjaltit cilësor dhe shfrytëzimin sa më efikas të kullotave me bimë aromatike. 🔔 Abonohuni në kanalin tonë për më shumë video informative mbi bujqësinë, bletarinë dhe bimët aromatike e medicinale. #Bletari #Mjaltë #BimeAromatike #BimeMedicinale