Arratiset Gentian Diva nga Komisariati i Lezhes (9 Prill 2002)

Lajme Arkiva 2002 Sot rreth orës 8:00 të mëngjesit, një i dënuar me 25 vite heqje lirie, u arratis nga dhomat e izolimit të Komisariatit të Lezhës, ky është Gentian Diva, 21 vjeç, nga qyteti i Mamurrasit dhe që prej disa muajsh qëndronte në Komisariatin e Lezhës për arsye të mungesës së qelive në burgje. Diva u largua nga dhoma e ajrimit në pjesën e mbrapme të Komisariatit ku gjendej bashkë me 4 të burgosur të tjerë. Gentian Diva u arrestua plot 2 vite më parë, në 9 prill të vitit 2000 së bashku me Arben dhe Nazmi Divën si dhe me Astrit Lleshin. Këta persona sipas policisë, në urën e Drojës në Mamurras, kanë grabitur me armë duke lënë të vdekur shoferin e një kamioni që udhëtonte drejt Kukësit. Diva u dënua me vendim të formës së prerë nga Gjykata e Lezhës me 25 vite heqje lirie. Burimet zyrtare të Drejtorisë së Policisë së Lezhës thanë sot se i ishin drejtuar disa herë Ministrisë së Drejtësisë për transferimin të burgosurit Diva në qelitë e burgut, për shkak të rrezikshmërisë që paraqiste. Arratisja në mëngjes e tij sot është shoqëruar me lëvizje të menjëhershme të drejtuesve më të lartë të Policisë së Lezhës. Drejtori i Përgjithshëm i Policisë, Bilbil Mema, i cili shkoi sot në Lezhë bashkë me forcat speciale, i komunikoi shefit të komisariati Çezar Keçi, largimin nga puna për shkak të arratisjes së të burgosurit. Po sot në krye të Drejtorisë Policore të Lezhës u emërua Gjovalin Loka, i cili ka lënë postin e drejtorit të policisë së Vlorës, ndërsa ish kreu i policisë së Lezhës, Ilir Zaçe kaloni në dispozicion të Ministrisë së Rendit. Dy gardianët e Komisaritatit të Lezhës që gjendeshin në detyrë në çastin e arratisjes, Dedë Gega dhe Gjon Ndreca u ndaluan pas ngjarjes nga policia. Ndërkohë me urdhër të Ministrisë së Rendit, janë ngritur disa postblloqe nga forcat e ngritura enkas nga Tirana, të cilat po ushtrojnë kontrolle të imta në çdo automjet. Rasti i arratisjes së një të dënuari për vepra të rënda penale është i dyti brenda një viti. Lulzim Caka u arratis një vit më parë nga Komisariati i Lushnjes, ndonëse këta të dënuar duhet të izolohen në qelitë e burgut të sigurisë së lartë./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/