RADIODOKUMENTAR ‘ZERI I DIPLOMACISE DHE LIRISE- HISTORIA E AVNI SPAHIUT’ NGA AFERDITA RUSHITI

Në një kohë kur fjala ishte e kufizuar dhe liria një ëndërr e largët, një djalë nga Mitrovica nisi rrugëtimin e tij me një laps, një fletore dhe një pasion të pashuar për të vërtetën. Ai ishte gazetar në një gazetë që do të mbyllej me dhunë, por zëri i tij do të bëhej më i fuqishëm se kurrë – përmes valëve të radios, ekranit të televizionit dhe më vonë – përmes ambasadave të një shteti të ri. Ky është rrëfimi i Avni Spahiut – gazetarit që sfidoi shtypjen, diplomatit që hapi dyert e Kosovës dhe njeriut që kurrë nuk pushoi së shkruari.