“Leta twarimo ni yo yishe ‘Abanyagitarama’ ”: Amb. Segasayo /“Nzabivuga muri 2040”: A.Nduwayezu

Umwe mu biyemeje kuvuga ukuri kuri Kudeta yo muri 1973, Ambasaderi Max Segasayo aratanga umucyo ku bwicanyi bwakorewe abaturage bamwe biswe “Abanyagitarama”. Avuga ko icyaha (responsabilité pénale) ari gatozi. Ati: “abagize uruhare mu kubica bagomba gukurikiranwa mu butabera”. Ku bijyanye n’uburyozwe bwa politiki (responsabilité politique), kuri ubwo bwicanyi bwabaye kuri Leta ya Perezida J.Habyarimana. Ati: “nanjye nari nyirimo”. Umwe mu bayobozi b’ikigo k’igihugu cyari gishinzwe iperereza , Augustin Nduwayezu, cyari gifite amakuru ku bwicanyi bwakozwe nyuma ya Kudeta , avuga ko adashobora kugira icyo atangaza mbere y’itariki ya 6 Ukwakira 2040. Aloys Rukebesha we, utanga amakuru adategwa, aremeza ko Padiri L. Naveau yagarutse mu Rwanda muri 1972 aje gutegura ihirikwa ry’ubutegetsi bwa Perezida Kayibanda.