Kosova, Skenderaj nga Droni - Dji Mavic Pro 4K Video #kosova

#dji #kosovo #drone Historia e ”Manastirit Ilirë” në Llaushë i cili sot njihet me emrin ”Manastiri i Deviçit”. REALITETI ËSHTË NDRYSHE…. Historia e ”Manastirit Ilirë” në Llaushë i cili sot njihet me emrin ”Manastiri i Deviçit” është ndryshuar nga pjesëtarët e saj serbë, KISHAT SHQIPTARE NE DARDANI, (DRENICE). FAKTE NGA: Dr.Jusuf Osmani, Në librin “Vendbanimet e Kosovës – Drenica” Abria e Poshtme – ka mikro-toponime si Arat e Kishës, Lugu i Kishës, Kroni i Kishës, e sipas popullit, aty ka qenë një kishë e moçme. Aqarevë – mikrotoponimet Kisha, Kroni i Kishës, Kodra e Kishës. Lubavec – në vendin Vojtesh janë vërejtur gjurmët e një kishe dhe varreza të moçme që janë parasllave. Baks – mikrotoponimet Kisha, Lugu i Kishës. Çirez – në vendin e quajtur Arat e Kumbullave, ka ekzistuar një kishë parasllave, çelësi i të cilës është gjetur. Afët atij vendi janë gjetur enë të ndryshme të qeramikës, unazë ari etj. Prellofc – mikrotoponimet Te Kisha, Lugu i Kishës, Jazbinat e Kishës, Livadhe të Kishës. Izbicë – Në vendin Prroni i Kishës janë zbuluar themele të shtëpive, enë të ndryshme etj. Është zbuluar një varr me disa vegla pune, si shata, sëpata, myhyrë (unazë gishti) etj. Në lagjen Xhemaili gjenden themelet e një kishe iliro-shqiptare. Kastërrci – mikrotoponime Kisha (është gjetur gur mermeri me mbishkrim, vendasit thonë “pej kohës së rimit”), Kisha (kisha e dytë pranë Starasellës). Në vendin Kryqar janë gjetur gurë me mbishkrime latine, por janë marrë nga pushteti i Mbretërisë jugosllave. Në këtë vendbanim janë ruajtur themelet e një kishe. Në vendin Harmoç, tani mal ku është një përrua dhe një burim, poashtu janë gjurmët e një kishe të vjetër. Klinë e Epërme – mikrotoponime Bregu i Kishës, Kroni i Kishës, Ara te Kisha etj. Në vendin Grahod, mbi fshat në pjesën perëndimore ekzistojnë gjurmët e një kishe, vreshtave të saj si dhe janë zbuluar varreza me skelete. Klinë e Mesme – në pjesën perëndimore të fshatit janë gjetur themelet e një kishe parasllave. Klinë e Poshtme – Në vendin Illovicë, mbi rrugën në drejtim Skënderaj-Klinë e Epërme, sot, ku është pompa e benzinës, janë gjetur disa varreza të vjetra dhe një gur me kryq karakteristik, të dekoruar edhe me kryqa të tjerë në skaj të kryqit të madh. Klladërnica – Në lagjen e Lafitajve ka gjurmë të një kishe të vjetër. Kishë të vjetër ka edhe në lagjen e Llullakëve, që ndryshe e quajnë Kisha e Shkive, vend në të cilin janë gjetur antikitete të ndryshme. Po ashtu në lagjen Mulaj ishte kisha parasllave, gjurmët e së cilës gjendeshin deri vonë. Kopiliq i Epërm – mikrotoponime Ara e Kishës, Kopiliq i Poshtëm – mikrotoponime Cërkvishtat, Kisha e Bahorit, Bunari i Kishës së Bahorit. Në vendin Kisha e Liroviçe janë gjetur themele shtëpish, dhe gurë të bardhë mermeri me mbishkrime të lashta. Në vendin Vakafi, gjatë lëvrimit të tokës dalin eshtra kufomash, themele shtëpish, e vendësit kanë gjetur një kryq prej gurit. Duhet theksuar se edhe sot ekzistojnë themelet e Kishës së Millesh Kopiliqit në Llokme (në mes të fshatit), Kisha e Rimlanëve në mahallën e Kurullëvem aty edhe sot dalin themele të shtëpive dhe gjurmë tjera. Në popull flitet se në Bunarët e Ilirëve në Kurull, janë fshehur dukatët që të mos t’i binë në dorë armikut. Kotorr – ka ekzistuar një kishë e vjetër afër Gradinës. Në shtesën e relacionit të arqipeshkvit Pjetër Karagiqit të vitit 1725, shkruan se në qytetin e Pejës, misionar apostoli është don Ndre Braçani, misionit të cilës i takon edhe fshati Cottori me 4 shtëpi e 20 anëtarë besimtarë katolikë. Duhet theksuar se nga viti 1846 e më vonë në këtë vendbanim u vendosën disa familje të quajtura serbe, të fiseve Kelmend, Shalë, Gash, Kuç, etj. të ardhura nga fshatrat e tjera të Kosovës dhe të Malit të Zi. Mirëpo shihet qartë se ato ishin sllavizuar dhe kishin marrë mbiemra sllavë Petroviç (Kelmend), Gjokoviç (Kuq), Kandiq (Gash), Tusiq (Gash), Rakiqeviç (Kuq), Jokoviç (Shalë). Krasaliq – mikrotoponime Kodra e Kishës, Lugu i Kishës, Kroni i Kishës. Në vendin Lugu i Kishës në lindje të fshatit janë gjetur kafka njerëzish, çka dëshmohet për varreza të vjetra. Kuçica – në vendin e quajtur te Kisha, gjenden themelet e një kishe ilire ose bizantine. Leçina – mikrotoponime Arat e Kishës, Kisha e Dragëve (këtë kishë e kanë ruajtur gjithëmonë banorët shqiptarë të lagjes së afërt Dragaj), Kisha e Tolës, Kroni i Kallugjerit, Ndërkisha. Në lagjen Dervishaj ka ekzistuar një kishë e vjetër parasllave të cilën e kanë përvetësuar serbët.