StarTalk一氣呵成版丨莊錠欣嘆女團多限制 單飛後發現出碟唔簡單

StarTalk一氣呵成版丨莊錠欣嘆女團多限制 單飛後發現出碟唔簡單 曾經喺韓國以女團CLC身份出道嘅 莊錠欣Elkie，2021年退出女團並回歸華語市場，呢日佢就嚟到《StarTalk》同 許文軒 分享退團原因。 Elkie話身在女團時公司會有好多限制，大至出歌、細至為fans準備小禮物，都會有各種阻攔，Elkie指既然當時公司冇意再支持女團發展唔再出歌，而自己又未放棄歌手夢，同時又想為fans做返啲嘢，所以就鼓起勇氣solo喇。 回歸華語市場就等如重頭開始，Elkie坦言起初有難度，因為當初所有嘢都係由公司負責好晒，自己只需要做好台上表演就得，但係當Solo時，自己就等如一間公司，演出之餘同時又要兼顧幕後工作，亦因為咁自己先知出一隻CD原來係咁複雜。 對於早前推出嘅首張實體華語專輯《#EK》，Elkie話係透過呢張專輯嚟做自我介紹，話畀fans知大家想要嘅類型，佢都可以畀到大家。 除咗推出華語專輯外，Elkie早前仲參加咗一個台灣嘅綜藝節目，佢話收到邀請時自己相當緊張，因為自己唔係一個鍾意競爭嘅人，而當佢見節目組時，對方直言欣賞佢自信嘅氣場，同時希望佢將呢份自信帶畀觀眾。Elkie指呢次唔係單單唱歌跳舞嘅選秀節目，同時會考參賽者體能、自信、口才同反應等，亦希望觀眾可以同參賽者一同成長。 #StarTalk #莊錠欣 #CLC #Solo #童星 #自我介紹 #台灣 #綜藝節目 #氣場 #一氣呵成版 #選秀節目 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁   / tvbenews   登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0