Tv Klan - 3 të vrarë dhe 2 të plagosur në Klos

Konflikti për nderin që vuri përballë dy familje në Klos besohet të jetë shkaku i ngjarjes së rëndë ku mbeti i vrarë me armë zjarri Ilir Shira dhe djali i tij vetëm 17-vjeç, Kenado Shira që shihni në këto foto. Nga plumbat mbetën të plagosur edhe Renato Hasula 17 vjeç dhe babai i tij Elgert Hasula, lidhje familjare me viktimat. Disa minuta pas ngjarjes, autori i vrasjes së dyfishtë Fiqiret Mjeshtri, 39 vjeç që shihni në pamje vrau veten. Policia vuri në pranga dy vëllezërit e tij Fatmir Mjeshtri, 44 vjeç dhe Besnik Mjeshtri, 39 vjeç një punonjës i Policisë Bashkiake në Klos. Të dyja palët ishin takuar për të sqaruar ngacmimet ndaj vajzës adoleshente të autorit. “Sot në orën 14:15 minuta, në qytetin e Klosit ka ndodhur një ngjarje e rëndë, një vrasje, ku kanë ngelur të vrarë shtetasit Ilir Shira dhe Kenado Shira. Të plagosur janë Renato Hasula dhe Eglantin Hasula. Të plagosurit janë nisur në Tiranë. Me marrjen e informacionit, policia u vu në ndjekje me shërbime dhe u bë e mundur kapja e 3 personave; Fiqiri Mjeshtri, Fatmir Mjeshtri dhe Besnik Mjeshtri. Theksoj se Fiqiri Mjeshtri ka ndërruar jetë, është vetëvrarë. Policia në bashkëpunim me prokurorin po vazhdon me përgjegjësi për zbatimin me korrektësi të procedurave ligjore, si dhe punën për zbardhjen e kësaj ngjarje”, deklaroi Dhimitraq Ziu. Pamjet e para nga vendi i ngjarjes treguan se viktimë e parë e konfliktit që degradoi me përdorimin e armës ishte 17-vjeçari Kenado Shira, trupi i pajetë i të cilit tronditi qytetarët e Klosit. Pak minuta më vonë, humbi jetën në Spital babai i tij, Ilir Shira, ndërkohë në ambientet e Traumës në Tiranë ndodhen dy të plagosurit e tjerë. Ngjarja e rëndë u regjistruar rreth orës 14:00 në qendër të qytetit të Klosit, shumë pranë gjimnazit. Tv Klan SUBSCRIBE to “RTV KLAN” on YouTube for more videos! Email: [email protected] Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/