Zomin tumanida yoshlar festivali oʼtkazildi

Zomin tumanidagi "Zominsoy" ko'ngilochar va dam olish majmuasida "Yangi Oʼzbekiston yoshlari, birlashaylik!" shiori ostida yoshlar sayli va festivali oʼtkazildi. 30 iyun- "Yoshlar kuni" munosabati bilan 15 mingga yaqin Zominlik yoshlar ishtirok etgan yoshlar festivali koʼtarinki kayfiyatda tashkil etildi. Tadbirda tumanda yoshlarga oid davlat siyosatini amalga oshirishda munosib hissa qoʼshib kelayotgan bir guruh yoshlar Zomin tuman hokimi Alisher Abdug’aniyev tomonidan taqdirlandi. "Yangi Oʼzbekiston yoshlari, birlashaylik!" shiori ostidagi yoshlar festivali gala-kontserti haqiqiy yoshlar kechasiga aylandi. Viloyatimiz va poytaxtdan tashrif buyurgan sanʼatkorlar tomonidan ajoyib chiqishlar hamda mushakbozlik barchaga birdek manzur boʼldi.