వరుడట రాముడు / VARUDATA RAMUDU / SITA RAMA KALYANAM SONG/ SSS EP 08/ సీతారాముల పెళ్ళి పాట

Sangeeta Sahitya Samalankritam Ep – 08 శ్రీ సీతారాముల కళ్యాణ సంకీర్తన ( ఛందస్సు – ద్విపద ) // వరుడట రాముడు // వరుడట రాముడు వధువు సీతమ్మ పరిణయమిదె నేడు భద్రాద్రి కాడ // వరుడట రాముడు // బాసికమునుగట్టి పద్మలోచనికి సేసలందీయరో చేరియందరును కోసలరాముని కొంగుకట్టించి రాసినిద్దరికినా రతులెత్తరమ్మ // వరుడట రాముడు // అంగరంగపుకళ లంతటానిండ మంగళ వాద్యాలు మారు మ్రోగంగ చెంగల్వ మాలలు చేతపుచ్చుకుని యంగనామణులార యందివ్వరమ్మ // వరుడట రాముడు // ఈబిడెకాతనికీయరో విడెము సోబాన పాడరో చూచివేడుకను డాబుసరిగ వేంక టగిరి జమళిని యోబనంబెక్కెంచి యుల్లాసపడరె // వరుడట రాముడు // వేణుగోపాల్ యెల్లేపెద్ది ( స్వీయ రచన ) భావామృతము:-- అదిగో అక్కడ రాముడు పెండ్లికొదుకు , మరి పెండ్లికూతురు ఏమో సీతమ్మ తల్లి. నేడే వీరిరువురకూ మనువు భద్రాద్రివద్ద . తామరకన్నుల కలికి సీతమ్మకు నుదుటిన బాసికము కట్టండి . దోసిటి నిండుగా తలంబ్రాలను అందించండి అందరూ దగ్గరకువచ్చి. కోసలానగర రాకుమురుడైన శ్రీరాముని కొంగును సీతమ్మ కొంగును ముడిపెట్టి వారిద్దరినీ ఒకటి చేయండి . పెక్కుగా అందరూ మంగళహారతులను ఎత్తండి నవదంపతులకు . అంగరంగవైభవాలు అంతటా నిండిపోయి ఉండగా , మంగళ వాయిద్యాలు అన్ని దిశలా మారుమ్రోగుచుండగా ఓ ముత్తైదువలారా మీ చేతులలో చక్కని సుకుమారమైన కలువపూవుల దండలను పట్టుకుని వీరిద్దరికీ అందించి దండలు వేయించండి . ఈమెకూ అతనికీ తాంబూలమును అందించండి . చక్కని పెళ్ళిపాటలను సంతోషముగా పాడుతూ గునిసి ఆడండి ఈ వేడుకను కనులారా వీక్షించి . ఆ వేకతాద్రిపై కొలువై ఉన్న జంటయే ఈ జంట . వీరిని ఇప్పుడు దర్పమెల్లా కనపడేటట్లుగా చక్కని వాహనుమై అధిష్టింపచేసి చక్కగా ఊరేగింపు చేసి ఉత్సాహపడండి . వేణుగోపాల్ యెల్లేపెద్ది #శ్రీరామనవమిపాటలు #సీతారాములకళ్యాణంపాటలు #సీతారామభక్తిపాటలు #sriramanavamispecialsongstelugu #sriramanavamispecialsong #sriramanavami #kalyanamsongs #kalyanasankeertana #pellipatalu