Astara sakinin evindən 1 kiloqram narkotik maddə aşkarlandı

Astara sakinin evindən 1 kiloqram narkotik maddə aşkarlandı Narkotik maddələr Astara sakininin 6-cı dəfə məhkumluq həyatı yaşamasına səbəb olacaq. Onun evindən həmçinin narkotik vasitələrin qəbulu və satışında istifadə edilən ləvazimatlar da aşkar edilib. Astara Rayon Polis Şöbəsi əməkdaşlarının keçirdikləri əməliyyat-axtarış tədbirləri nəticəsində rayonun Şahağacı kənd sakini 53 yaşlı İlqar Mirzəyev saxlanılıb. Saxlanılan zamanı məlum olub ki, İlqar Mirzəyev İran İslam Respublikasından qaçaqmalçılıq yolu ilə narkotik vasitə əldə edərək rayon ərazisində satışını həyata keçirir. Polis əməkdaşları ona məxsus yaşayış yerindən 1 kq çəkidə həşiş qətranı və daha 200 qram çəkidə müxtəlif tərkibli narkotik və güclü təsiredici psixotrop maddələr aşkar edərək götürüblər. Evə baxış zamanı həmçinin, narkotik vasitələrin qəbulu üçün istifadə olunan ləvazimatlar və satış üçün lazım olan həssas tərəzi maddi sübut kimi götürülüb. Faktla bağlı Astara Rayon Polis Şöbəsində araşdırma aparılır. Qeyd edək ki, İlqar Mirzəyev bundan əvvəl 5 dəfə məhkumluq həyatı yaşayıb.