MASHINDANO YA KIMATAIFA VISHALE ARIKA MASHARIKI KUFANYIKA MOSHI

Zaidi ya washiriki 350 kutoka Tanzania, Kenya, Uganda, Rwanda, Burundi, South Sudan na Malawi wanatarajiwa kushiriki mashindano ya kimataifa ya mchezo wa vishale maarufu kama Tanzania Open yatakayofanyika hapa Moshi Club kuanzia Juni 24 hadi 29 mwaka huu. Mashindano haya yanatarajiwa kuwakutanisha wachezaji wa makundi mbalimbali ikiwemo vijana, huku yakilenga kutafuta mabingwa wa Afrika Mashariki katika mchezo huo. Waandaaji wa mashindano hayo wameeleza kuwa maandalizi yanaendelea vizuri na wametoa wito kwa wadau mbalimbali, kampuni na taasisi kujitokeza kudhamini tukio hilo kubwa la kimataifa. Wamesema udhamini utachangia kufanikisha mashindano hayo na kutoa fursa kwa wadhamini kutangaza bidhaa na huduma zao kwa washiriki na wageni kutoka mataifa mbalimbali ya Afrika Mashariki.