بروق المخاييل كلمات محسن ابن شرفي الثوري اداء سعدون فيصل

يادريس يومنك تروس العماميل خل الرحول شدادها في ظهرها أنا نويت اعلمك بالتفاصيل والفرصة الي فالحياه انتضرها من بعد مالاحت بروق المخاييل الله يسود وجه منهو قهرها نبى نطخ الوسم قدّم الرياجيل اقولها وطولها واختصرها مزون الوسم قامت تهل الهماليل ربي على نجد العذيه ومرها براقها يشع القلوب المغاليل امن امس والبارح مايفصل مطرها طق اللبيد وطحو بالهوابيل خلو بنات الهرش يزمي سطرها وضح البكار اللي نهار المحاويل قامت تهوش وتدحم من دجرها لا خمها الراعي قبل حرفت الليل النايفه من صوته اللي ذعرها قامت تشيل الذود قدامها شيل في ذمتي محدن يجي في نحرها صوكىً ليا قامت تتل الزعاجيل تقطع الجندوب على جررها اليا اوحت الهوبال وجر المواويل تقول يشوك من قصيدي وبرها في شفها كل الدعاوي تساهيل مانشتكي جور السنين وخطرها البل تبى زحول الرجال الحلاحيل الي على الطلات تعرف سيرها دهات المواقف والزحول المشاكيل ماينقصر دون الثرياء نظرها في وقتنا الحاضر وفي ماضي الجيل تروى فعايلهم وكلن ذكرها