Tera Intezaar Karte Hain..!! Aviral..!!

Teri baaton mein aakar, Tera intezaar karte hain. Teri yaadon ke sahare hi, Har gham ko bhula dete hain. Ab to woh pal bhi aane ko hai, Jab zehan se tera chehra dhundhlaane lage. Phir bhi dil ke kisi kone mein, Tera ehsaas yun hi jagmagaane lage. Kyun har baar vaada karke, Tum usse bhool jaati ho? Dil mein machalte armaanon ka, Har dafa qatl kar jaati ho. Pata hai tumhe apne hi vaade, Kabhi nibha na paaogi. Sachche the ya jhoothe, yeh to nahin jaanta, Par unhein poora na kar paaogi. Aur har baar "mujhe bhool jao" kehkar, Mera haath chhuda jaati ho. Ek pal mein saari umeedon ko, Tootne ke liye chhod jaati ho. Phir bhi na jaane kyun dil mera, Bas tera hi intezaar karta hai. Har dard ko apna bana kar bhi, Bas tujhse hi pyaar karta hai.