«Խաղաղություն եվ հանդուրժողականություն» թեմայով բաց դաս Եղվարդի թիվ 3 դպրոցում

Ապրիլի 8-ին «Կանայք հանուն զարգացման» ՀԿ կրթական թիմը կրկին հյուրընկալվել էր Կոտայքի մարզի Եղվարդի թիվ 3 հիմնական դպրոցում: «Հանդուրժողականություն եվ կոնֆլիկտ» թեմայով բաց դասն այս անգամ կազմակերպվել էր դպրոցի 5-րդ «Ա» դասարանի աշակերտների մասնակցությամբ՝ դասղեկ Հերմինե Գեվորգյանի ղեկավարությամբ: Աշակերտները հյուրերին ներկայացրեցին դասերի ընթացքում իրենց ձեռք բերած գիտելիքներն ու հմտությունները՝ խաղաղության կրթության բնագավառում, քննարկեցին «Թթենին» ֆիլմը, բեմականացրեցին «Շունն ու կատուն» ներկայացումը՝ առաջարկելով խաղաղ լուծման իրենց տարբերակը: Աշակերտներն ընթերցեցին նաեվ իրենց գրած բանաստեղծություններն ու աքրոստիկոսները խաղաղության ու հանդուրժողականության մասին, ներկայացրեցին խաղաղության իրենց խորհրդանիշերն ու նկարները: Ներկաներին անչափ դուր եկավ նաեվ երեխաների կողմից գրված երգը, որը նրանք առաջին անգամ կատարեցին այս միջոցառման ընթացքում: Բաց դասին հրավիրված էին նաեվ Կրթության ազգային ինստիտուտի Կոտայքի մասնաճյուղի տնօրենն ու աշխատակիցները, Եղվարդի քաղաքապետարանի կրթության ու մշակույթի բաժնի վարիչը, Նոր Երզնկայի դպրոցի տնօրենն ու կենսաբանության ուսուցչուհին եվ այլոք: