सिखोना जोहोलाव माहारियारि हाग्रामानि सायाव Road Safety सांग्रांथि हाबाफारि खुंफुंदों।

सिखोना जोहोलाव माहारियारि हाग्रामानि बेसेन गोसा जिब जुनार रैखाथि खालामनो थाखाय दिनै Road Safety & Wildlife Protection सांग्रांथि हाबाफारि खुंफुंदों। कक्राझार जिल्लानि सिङाव मोनसे समायना Picnic Spots दं। बे Picnic Spots आ भुटान एन्दु साखाथि सरलपारा आव दं। बे Picnic Spots आव गुबुन गुबुन ओनसोलनि रायजो राजाफोरा Picnic एबा लावखार ओंखाम जानो एबा बेरायग्लांनो थाङो। मख'जाथावदि समायना रमायना सरलपारा Picnic Spots आव थाङोब्ला सिखोना जोहोलाव माहारियारि हाग्रामाजों थांनो गोनां जायो। कक्राझार जिल्ला DTO , Evergreen Charitable Trust आरो बिटिचिनि Forest Deptt. जों जुथायै दिनै सरलपारा Picnic Spots आव थांग्रा ओनसोलनि रायजो राजा गारि सालायग्राफोरखौ लामा जाब्रबथाइनिफ्राय रैखाथि मोनो आरो गारिखौ 30-40 Speed सालायनो आरो सिखोना जोहोलाव माहारियारि हाग्रामायाव थानाय जिब-जुनारफोर रैखा जायो बिखौ नोजोर होनानै Road Safety & Wildlife Protection सांग्रांथि हाबाफारि खुंफुंदों। Evergreen Charitable Trust नि मासिगिरि राजिब नार्जारी आ खौरांनि गेजेरजों गुवारै फोरमायथिनानै होयो।