"ÇEMPİON" - Fərid Mansurovun portreti, 2-ci hissə (Vüqar Baba)

Video 2008-ci ildə Bakı Dövlət Universiteti, Jurnalistika fakültəsi üçün buraxılış işi (diplom işi) kimi hazırlanıb. Filmin qəhrəmanı olan güləş üzrə Dünya və Olimpiya çempionu Fərid Mansurov (o artıq ikiqat dünya çempionudu) əvvəlcə çəkilişə razı olmamışdı. O Vüqar Babanın sujeti hansısa bir TV üçün hazırladığını sanıb müsahibədən qaçmaq istədi. Ancaq Vüqar Fərid Mansurova özünün tələbə olduğunu və bu vidonu institut üçün hazırladığını bildirir. Fəridə "əgər sən razı olmasan mən diplom ala bilməyəcəm" deyəndən sonra güləşçi çəkilişə razı olur. Şəkiliş 3 gün olub. 1) Fərid gilin evində, 2) Fəridin məşqi məşq zalındakı müsahibə və 3) Məşqçisi Elçin Cəfərovla müsahibə. İlk günkü çəkilişdə Vüqara video operator Elşad Məmmədov kömək edib. Qalan iki gündə Vüqar Baba həm müxbir, həm də kameraman rolunda olub... Buraxılış işinin rəhbəri Aynur Kərimova, rəyçi Qulu Məhərrəmli olub. Rəhbərin fikrincə bu iş "çox yaxşı" , ryçinin fikrincə isə "sənət əsəri" kimi qiymətləndirilib. Buraxılış işinin qiyməti "5" (əla)