ბესიკ ქუთათელაძის დაბრუნება სამშობლოში - მოტივაცია, მიზნები, მოლოდინები

„ხიდების მშენებლებისა“ და გურამ როგავას ერთობლივი პროექტის „ბრილიანტი ქართველების“ მორიგ ეპიზოდში, ფლორიდის საერთაშორისო უნივერსიტეტის კრიმინოლოგიის და სისხლის სამართალწარმოების პროფესორს, ბესიკ ქუთათელაძეს წარმოგიდგენთ. რატომ ბრუნდება მაიამიდან თბილისში ოჯახთან ერთად მაშინ, როცა ჩვენი ქვეყანა ევროინტეგრაციის კურსს სწრაფი ტემპებით შორდება და ადამიანის უფლებები მკვეთრად უარესდება?! მოტივაციაზე, მიზნებზე და მოლოდინებზე ვილაპარაკეთ ოჯახურ და საქმიან გარემოში. ბესიკმა დაგვათვალიერებინა ნეო-კლასიკური სახლი მაიამიში და დაგველაპარაკა, როგორ აქცია მდიდარი წარმოსახვა რეალობად. არტ-ნუვო მისთვის გატაცებაზე მეტია, აპირებს თბილისში მუზეუმი დააფუძნოს, ექსპონატები უკვე იგზავნება ამერიკიდან საქართველოში.