TÜRKÜN GÜCÜ TƏKCƏ QILINCINDA DEYİL,HƏM DƏ SAZINDA, SÖZÜNDƏDİR!!!

Müharibə zamanı ideoloji, tərbiyəvi işin düzgün təşkili əsgərin döyüş ruhunun yüksəlməsində mühüm rol oynayır. Yalnız quru sözlərlə, rəsmiyətçiliklə isə uğur qazanmaq mümkün deyil. Vətənin ən ağır günlərində biz də çalışmışıq ki, daim igid əsgərlərimizin yanında olaq, onları tez ya gec, amma mütləq qazanacığımız qələbəyə ruhlandıraq. Şəxsi arxivimdən tapdığım bu videoda Qazax rayonunun başı müsibətlər çəkmiş kəndlərinin müdafiəçilərini görürsünüz. Hərbi jurnalistlərin Qazaxın ən ucqar və təhlükəli kəndlərinə gəlişi döyüşçülərimizin sevincinə və ovqatlarının yüksəlməsinə səbəb olmuşdur. Arxada qalan 33 ildə dünyasını dəyişənlərə Allahdan rəhmət diləyir, bu gün də həyatda olanlara sağlam can, uzun ömür arzulayırıq.