Telefonda onam yig'laydi, men yig'layman

Hujjatsizlik sababli Zamira 31 yildan beri Turkmanistondagi onasi va yaqinlarini ko‘ra olmaydi. Uning onasi qarib qolgan. O‘tgan yillar davomida telefon qo‘ng‘iroqlari va xotiralargina ularni bog‘lab turdi. Zamiraning eng katta orzusi oddiy: pasport olish va hayot bo‘lganida onasini yana bir bor bag‘riga bosish. Rasmiy ma’lumotlarga ko‘ra, O‘zbekistonda hozirgi kunda 25 413 nafar fuqaroligi bo‘lmagan shaxs yashamoqda. Ularning ko‘pchiligi sobiq Ittifoq parchalanganidan keyin hujjatsizlik muammosiga duch kelgan insonlardir.