Minatorët e Bitinckës në Devoll kanë 13 muaj që nuk paguhen - (22 Dhjetor 2002)

Lajme Arkiva - TV Klan 2002 Ministria e Industrisë dhe Energjetikës, ka larguar nga puna 17 punonjësit e minierës së nikel silikatit në Bitinckë të Devollit, të cilët kanë 13 muaj që nuk paguhen. Rrogat e prapambetura të këtyre punëtorëve i janë faturuar për t’i paguar shoqërisë Adi shpk. e cila është duke u përgatitur për ta marrë me qira këtë minierë për 20 vjet. 17 punëtorët e minierës nuk kanë besim se do të marrin pagat prej kësaj shoqërie, e cila ka një vit që nuk i ka shlyer detyrimet punëtorëve të saj, të cilët ndërtuan superstradën Korçë-Kapshticë. Minatori 1:- “Ministria na ka dërguar një letër më datën 3 Dhjetor, që thotë, fonde nuk ka për minierën e Bitinckës, atëherë përse na ka mbajtur 13 muaj kjo ministri”. Minatori 2:- “Ka 13 muaj pa marrë asnjë lekë, jam mbytur në borxhe, deri tani kam hyrë borxh 700 mijë lekë borxh. I jam drejtuar qeverisë disa herë, nuk po bën përpjekje fare”. Godinat e minierës, janë të amortizuara dhe shkatërruara, ndërsa këto male me mineral, presin që prej një viti që të gjendet një treg shitje. Për këta punëtorë, mbetet një shtresë e vakët nga shteti, t’u paguhet puna për 13 muaj. Nga ana tjetër tek banorët e zonës është përhapur paniku, se minerali i nikelit, ndonëse me përqindje të ulët, përmban edhe uranium, që me rrezatimin e tij mund të dëmtojë shëndetin e njerëzve, por edhe ekologjinë e të gjithë zonës./tvklan.al SUBSCRIBE to “RTV KLAN” on YouTube for more videos! Për më shumë informacione vizitoni faqen tonë web https://tvklan.al/ Videot e fundit nga Tv Klan i gjeni në faqen https://tvklan.al/video/ Follow Tvklan on Facebook:   / tvklan   Follow Tvklan on Instagram:   / rtvklan   Programet e Tv Klan mund t’i ndiqni edhe në faqen https://tvklan.al/programe/