Kaleem Aajiz Ghazal شانے کا بہت خونِ جگر جائے ہے پیارے

کلامِ شاعر بزبانِ شاعر کلیم عاجز شانے کا بہت خونِ جگر جائے ہے پیارے تب زُلف کہیں تا بہ کمر جائے ہے پیارے جس دن کوئی غم مجھ پہ گزر جائے ہے پیارے چہرہ ترا اس روز نکھر جائے ہے پیارے اک گھر بھی سلامت نہیں اب شہرِ وفا میں تُو آگ لگانے کو کدھر جائے ہے پیارے رہنے دے جفاؤں کی کڑی دھوپ میں مجھ کو سائے میں تو ہر شخص ٹھہر جائے ہے پیارے وہ بات ذرا سی جسے کہتے ہیں غمِ دل سمجھانے میں اِک عمر گزر جائے ہے پیارے ہر چند کوئی نام نہیں میری غزل میں تیری ہی طرف سب کی نظر جائے پیارے کلیم عاجز